Vikan - 20.01.1996, Qupperneq 50

September: Það er ýmislegt spennandi í uppsiglingu en þú verður
að leggja spilin út og nýta hugmyndirnar. Þú hefur tilhneigingu til
að tvístíga og það er of slítandi. Láttu vaða og segðu meiningu
þína. Þú munt uppgötva að fólki líkar það betur. Eftir 8. september
finnur þú nýjar leiðir til að laga til f fjármálum. Á sama tíma þrífst
rómantíkin í kringum þig. En þú verður að vita hvað þú vilt. Það eru
möguleikar á yfirborðslegum samskiptum en ef þú ætlar þér að
finna hina stóru ást er hún líka innan seilingar. Eldri fjölskyldumeð-
limur kemur til með að leita ráða hjá þér í kringum 23. september.
Október: í þessum mánuði muntu öðlast meiri vídd í andlegum
málum ef þú tekur eftir þeim straumum sem koma frá þór. Nú snýst
líf þitt um samskipti og menntun í víðasta skilningi. Þú átt gott með
að tileinka þér upplýsingar í hvaða formi sem er og ert ekki að fela
skoðanir þínar. Ákveðin atriði, sem þú hefur þegar byrjað á, munu
þróast til muna í rétta átt og þú munt eiga von á niðurstöðu fljótlega.
Þér mun auðnast að prófa margt nýtt en hafðu í huga að flest verð-
ur að byggja á raunsæi. Fjámálin ættu að lagast en jafnframt eykst
löngunin til að eyða og spreða. Reyndu að halda jafnvægi.
Nóvember: Þú kynnist nýju fólki og af því þú ert opin fyrir nýjungum
mun það virka mjög hvetjandi á þig. Blástu í glæðurnar. Það eru
miklar líkur á því að þú lendir í ástarsambandi og þeir sem eru þeg-
ar í sambandi munu sjá að það blómstrar á nú. Fjárhagslega ertu
með þitt á þurru og þar með hefurðu meiri möguleika til athafna.
Þér gefst tækifæri á að uppfylla óskir maka þíns sem getur leitt til
þess að þið náið betur saman. Það verða breytingar á vinnustaðn-
um. í tenslum við þær skaltu hafa í huga að forðast að vinnufélagar
eða stjórnendur verði til þess að þú gerir eitthvað í fljótfærni.
Desember: Frá byrjun desember og fram til jóla mun flest ganga
þér í hag. Þú ert til í að byrja á nýjum verkefnum og þú veist sem
er að nú er tækifærið til að sýna hvað í þér býr. Ef þú spilar rétt úr
því sem þú hefur á hendi muntu ganga í gegnum breytingar sem
verða þér til góðs. Hafðu ekki áhyggjur þótt þú missir jafnvægi um
stund og reyndu þig á nýjum vettvangi. Þér finnst mánuðurinn frek-
ar dauflegur framan af en þegar líður nær jólum ertu í góðu formi.
Nýársheit þitt er: Ég læt ekki þvinga mig til neins.
48 VIKAN