Vikan - 20.01.1996, Page 65

vinnu þína svo þú dveljir ekki við ónauðsynlega hluti. Leggðu
grunn að framtíð þinni þótt þú upþskerir seinna. Ef þú hefur færst
of mikið í fang skaltu reyna að finna þér nýjan farveg. Það er róm-
antík í loftinu fyrstu 8-10 dagana en ró og friður umlykja þig. Eftir
það finnurðu til óróleika og getur illa gert þér grein fyrir hvað er í
uppsiglingu. I fjármálum hefur þú heppnina með þér eftir miðjan
mánuð.
Október: Þér fer best að láta fara lítið fyrir þér í samvistum við
aðra. Þú þarft að sýna mátt þinn sem leiðir til baráttu við maka
þinn, samtarfsmenn eða aðra sem þú umgengst daglega. Reyndu
heldur að finna jákvæðu hliðarnar á því fólki sem þú umgengst.
Það er óróleiki f þér sem verður til þess að þú skiptir skapi of oft og
sýnir merki taugaveiklunar. Þú vilt að eitthvað gerist en verður að
bíða aðeins eftir þvf að aðrir sýni lit. Ef þú ert við að bugast á að-
gerðarleysinu er ekki úr vegi að beina kröftum þínum að líkamlegri
vinnu eða hreyfingu.
Nóvember: Þú vilt gjarnan bæta kunnótta þína á einhverjum svið-
um og nú skaltu ákveða hvað þú vilt læra. Þér líst illa á alla líkam-
lega áreynslu en nú viltu heldur víkka sjóndeildarhringinn. Þú getur
farið út í heim eða kannað sjálfan þig. Það breytir engu hvað þú
velur því öll menntun nýtist þér.
Desember: Kærleikurinn verður miðpunktur tilveru þinnar. Blíð og
rómatísk stemmning kemur öllum í jólaskap. Þú færð mýmörg
tækifæri til að deila draumum þínum með elskunni þinni. Fram til
18. er kærleikstímabilið þitt f hámarki. Á vinnustað þínum ríkir óein-
ing sem til er komin vegna ónærgætni í orðum og gerðum. En eftir
jólafrí er ástandið komið í samt lag. Nýársheiti þitt gæti verið: Það
gamla er nógu gott fyrir mig en í nýjum umbúðum!
VIKAN 63