Vikan - 14.06.1999, Blaðsíða 34

Texti: Marentza Paulsen
Myndir: Bragi Þór Jósefsson
SKOGARINS
GRÆNA SMJÖR
Avokado, eða lárpera á íslensku, er ávöxtur sem
er upprunninn í Mið-Ameríku. Lárperan er dökk-
græn og yfirleitt á stærð við peru. Hýðið er óætt
en kjötið á að vera meirt, aðeins stífara en smjör.
Annars er það ekki gott. Kjötið verður fljótlega
svart eftir að það kemst í snertingu við súrefni og
því er gott að dreypa sítrónusafa yfir það til þess
að halda litnum réttum. Það sama er hægt að
gera við epli svo að þau dökkni ekki. Ekki er
hægt að frysta lárperu. Hún er feitur og hitaein-
ingaríkur ávöxtur sem auk þess er ríkur af E- og
B2- vítamíni og fólinsýru. Hægt er að nota
lárperu á ýmsa vegu. Hún er góð sem forréttur,
aðalréttur, meðlæti og auk þess sem pinnamatur.
Köld lárperusúpa
(fyrir fjóra)
3 lárperur
safi úr 1/2 sítrónu
3 7/2 dl kjúklingasoð
2 dl óþeyttur rjómi
2 msk. koníak
1 hvítlauksrif
etv. salt og pipar
þeyttur rjómi og þunnar
lárperusneiðar til skrauts
Aðferð: Skerið lárperuna
langsum og fjarlægið stein-
inn. Afhýðið hana og veltið
kjötinu upp úr sítrónusafa.
Setjið kjötið í matvinnsluvél
ásamt kjúklingasoðinu,
rjómanum, koníakinu og
pressuðu hvítlauksrifinu.
Bragðbætið með salti og
pipar. Látið standa á köld-
um stað þar til rétturinn er
borinn fram. Skreytið hvern
disk með dálitlu af þeyttum
rjóma og nokkrum þunnum
sneiðum að lárperu.
Lárperuídýfa
1 lárpera
1 stór tómatur
1 tsk. sítrónusafi
7/2 dl óþeyttur rjómi
nokkur fersk
basilíkumblöð
salt og pipar
Aðferð: Setjið tómatinn í
sjóðandi vatn svo hýðið
losni auðveldlega af honum.
Takið hann upp úr og afhýð-
ið. Skerið lárperuna í
tvennt, fjarlægið steininn og
skafið kjötið innan úr hýð-
inu. Setjið tómatkjötið,
lárperukjötið og
sítrónusafann í matvinnslu-
vél og maukið. Bætið því
næst rjómanum og fersku
basilikublöðunum saman
við og hrærið áfram. Bragð-
bætið með salti og pipar.
Þessa ídýfu má nota bæði
sem ídýfu og sem dressingu
á salat.
34 Vikan