Vikan - 14.06.1999, Side 56

Karlmenn þjást af
kynlífsvandamál-
um ekki síður en
konur. Hérna
kemur listi yfir al-
gengustu vanda-
málin og ráð til
kvenna um hvern-
ig þær geti hjálp-
að þessum elskum
að yfirstíga þau.
Að vera með of lítið typpi
Stærðin á karlmennskutákninu, sjálfu typp-
inu, skiptir gífurlega miklu máli fyrir alla
karlmenn. Þeir karlmenn sem eru með lítið
typpi þjást mjög oft sökum þess.
Konur geta best hjálpað þeim út úr þeim
vanda með því að ræða ekki stærðina við
hann eða velta honum upp úr því. Sé kynlíf
ykkar í góðu lagi þá bentu honum á að typpa-
stærðin segi ekkert til um hversu gott kynlíf
þið eigið. Tjáðu honum ást þína og reyndu að
draga fram það jákvæða.
Að vita ekki hvernig forleik
hún vill
Flestar konur þurfa lengri forleik en karlarnir
til að fá fullnægingu. Fái hann fullnægingu á
undan henni upplifir hann sig sem misheppn-
aðan í rúminu.
Ræddu við hann um hversu langan forleik þú
þarft og sýndu honum hvaða staðir á lík-
amanum eru næmastir.
Að hún geri sér upp
fullnægingu
Oft á tíðum fá karlmenn fullnægingu á undan
konum. Þeir eiga erfitt með að halda áfram
eftir að sáðfall hefur átt sér stað. Margar
konur gera sér upp fullnægingu til að særa
ekki bólfélaga sinn. Kynin fá fullnægingu á
ólíkan hátt og því ekkert óeðlilegt að hún
komi ekki samtímis.
Segðu honum satt ef þú hefur ekki fengið
fullnægingu. Þú getur útskýrt fyrir honum
hvað þér finnst best eða að þér hafi þótt for-
leikurinn of stuttur. Stundum er fólk illa fyr-
irkallað, of þreytt eða stressað og nær ekki að
slaka á og því getur biðin eftir fullnægingunni
reynst löng og erfið fyrir báða aðila.
Að hún vilji ekki eiga við mig
munnmök
Margir karlmenn þora ekki að biðja sína
heittelskuðu um að eiga við sig munnmök.
Sumar konur eru alls ekki tilbúnar til þess og
þá þýðir ekki að þrýsta á þær. Kannski horfir
málið öðruvísi við ef hann vill líka eiga
munnmök við hana.
Ræðið um málið og útskýrið sjónarhorn ykk-
ar. Það er ekki sjálfgefið að vilja stunda
munnmök og því verður að taka tillit til
beggja aðila.
Að standa sig ekki nógu vel í
rúminu
Karlmenn falla oft í þá gryfju að meta gæði
kynlífs eftir fjölda fullnæginga. Þeir gleyma
oft forleiknum og að láta sér líða vel saman á
eftir (snúa sér þess í stað á hina hliðina og
sofna). Konur meta kynlífið á annan hátt. Þú
getur verið viss um að konan kann vel að
meta góðan forleik og síðan kelerí að loknum
samförum. Kossar og faðmlög gera ótrúlega
mikið fyrir sambandið.
Ræddu af hreinskilni við manninn þinn ef þú
ert ekki ánægð með frammistöðu hans í rúm-
inu. Ef hann snýr sér á hliðina og hrýtur eftir
fjörugar æfingar, láttu hann þá vita að það
pirri þig. Þú viljir lengja stundina örlítið og
gera þetta meira spennandi.