Vikan - 30.07.1999, Qupperneq 2

Texti: Hrund Hauksdóttir
Myndir: Baldur Bragason
Hún málar ástina
Fallegar, fleygar setningar gefa tóninn
Linda Eyjólfsdóttir er 36 ára mynd-
listamaður sem hefur um árabil
fengist við málun og vakið athygli
fyrir mjög skemmtileg verk. Hún út-
skrifaðist frá Myndlista- og handíða-
skólanum árið 1987 og hefur auk
þess sótt fjölda námskeiða sem
tengjast listgrein hennar.
„Sólarupprás ástarinnar.“
Margir leita til Lindu þegar gefa á mál-
verk í brúðargjöf eða við önnur sérstök
tilefni. Slík málverk bera þá nöfn sem
hæfa bæði myndinni og tilefninu. Dæmi
um þess háttar nafngiftir eru: Sólarupp-
rás ástarinnar og Avextir ástarinnar. Auk
þess að mála hefur Linda einnig gert
töluvert af því að skrautskrifa fyrir ýmsa
aðila og hanna tækifæriskort sem hún
myndskreytir og lætur fallegar, fleygar
setningar gefa tóninn.
Verk Lindu fást meðal annars í Gallerí List í Skip-
holti og einnig er hún með
vatnslitamyndir í Gallerí Fold.
Áhugasamir kaupendur hafa
oft samband við hana milli-
liðalaust og eru þá með sér-
stakar óskir um myndefni en
Lindu finnst ávallt spennandi
að vinna myndir eftir persónu-
legri beiðni.
2 Vikan
Þetta verk heitir
„Ávextir Ástarinnar“
en ávextir eru jafnan
táknrænir fyrir rækt-
un og fr jóssenii.
Þessi niynd
sem sýnir regn-
bogann
streyma frá
höfði konunn-
ar ber hið við-
eigandi heiti
„Frelsi“.
Hún er hrifnust af akrýlmálningu en vinnur líka
mikið með vatnsliti og blek. Myndir Lindu
einkennast öðru fremur af sterkum og hrein-
um litum og hún blandar gjarnan ýmsum efnum saman
við málninguna. Linda segist blanda ýmist glersalla,
steinum eða sandi út í málninguna en með því móti
skapast óvenjuleg en jafnframt skemmtileg áferð.
Myndefni hennar eru aðallega sérstæðar og áhrifamikl-
ar myndir af fólki en einnig rnálar hún ávexti og blóm.
Viðfangsefni hennar er oft á tíðum ástin og því hefur
hún málað margar, magnaðar myndir af ástföngnu
fólki.