Vikan - 30.07.1999, Síða 10

Texti: Steingerður Steinarsdóttir
Alkóhólismi kvenna
Það er alkóhólisti í hverri einustu fjölskyldu, ef ekki náinn fjölskyldumeðlimur þá tengdur fjölskyld-
unni á einhvern hátt. Þessi fullyrðing var inngangspunktur í erindi fulltrúa AA samtakanna á kynning-
arfundi samtakanna í unglingaskóla hér í bæ fyrir tuttugu árum. Fullyrðingin hneykslaði marga og
mikið var rifist um það á göngum skólans lengi á eftir hvort hún væri rétt. Hluti ungiinganna kepptist
við að bera það af sér að alkóhólismi tengdist fjölskyldu þeirra á nokkurn hátt en aðrir börðust við að
sanna fullyrðinguna með því að tíunda tengsl sem á stundum voru frekar langsótt. Líklega myndu
svipuð orð ekki vekja svo mikla hneykslan og úlfúð í dag. Þekking á sjúkdómnum alkóhólisma er mun
meiri en var þótt menn hafi enn tilhneigingu til að skilgreina þá eina alkóhólista sem misst hafa alla
stjórn á lífi sínu vegna vímunnar.
10 Vikan