Vikan - 02.11.1999, Blaðsíða 31

inmanninum lagaðist ekki við
það að hann missti vinnuna.
Hún var að lokum sett á róandi
lyf og hjónin bjuggu orðið að
mestu sitt í hvoru lagi. Ruth
varð þó ófrísk eftir mann sinn
og um tíma reyndu þau að ná
saman aftur en allt kom fyrir
ekki; ári eftir að þau giftu sig
skildu Ellis hjónin. Það er und-
arlegt til þess að hugsa að Ruth
var óútreiknanlegur skapvargur
í samskiptum við þá karlmenn
sem voru henni nánir en ótrú-
lega róleg og yfirveguð í um-
gegni við alla aðra.
Ruth eignaðist dóttur með
Georg og nú stóð hún ein með
tvö smábörn á framfæri en hún
hafði tekið son sinn til sín þegar
hún tók saman við George.
Hún sneri aftur í nætur-
klúbbana og fékk vinnu sem
framkvæmdastjóri Litla klúbbs-
ins í Mayfair. Lítil eins svefn-
herbergis íbúð fylgdi stöðunni
og þar bjó Ruth með börnum
sínum og þangað bauð hún
þeint karlmönnum sem hún var
að skemmta sér með í það
skipti.
Ruth hitti David Blakely í
Carrolls næturklúbbnum. Það
var tæplega um ást við fyrstu
sýn að ræða því Ruth sagði síð-
ar að hann hefði verið alltof
sjálfsánægður og hrokafullur.
Ruth var tuttugu og sjö ára en
David þremur árum yngri. Bla-
kely var hæfileikarík kappakst-
urshetja en um þetta leyti var
hann að reyna að skapa sér at-
vinnu í hótelrekstri. Hann
heimsótti Ruth í Litla
klúbbinn og tilviljun réði
því að hann var fyrsti kúnninn
sem hún afgreiddi þar sjálf.
David var trúlofaður annarri
stúlku þegar hann kynntist
Ruth en það kom ekki í veg fyr-
ir að hann flytti inn til hennar. í
fyrstu var fátt til að skyggja á
hamingjuna utan það að Ruth
var sár og bitur yfir því að Dav-
id neitaði að taka hana með sér
í kappakstur. Hann vissi sem
var að þessi fremur grófa hús-
stýra í næturklúbbi félli ekki í
kramið hjá miðstéttarfólkinu
sem aðallega sótti kappaksturs-
brautirnar. Skötuhjúin áttu það
hins vegar sameiginlegt að þau
voru bæði ákaflega afbrýðisöm
og átti hvort um sig erfitt með
að þola að hitt gæfi sig að öðr-
um. Þetta varð til þess að Ruth
fór að vanrækja aðra viðskipta-
vini næturklúbbsins, eigandan-
um til lítillar ánægju. Hann
heimtaði að Ruth færi að greiða
leigu af fbúðinni og til að
standa straum af þeim auka-
kostnaði fór hún að halda við
Desmond Cussen og lét hann
greiða reikningana. Hún svaf
hjá Cussen í eftirmiðdaginn en
eyddi nóttunum með David.
Blakely tók upp ástarsam-
band við gifta konu og Ruth
kvaldist af afbrýðisemi. Ástand-
ið hélt áfram að versna og bæði
David og Ruth voru farin að
drekka alltof mikið. í árslok
1954 flutti Ruth með litla
drenginn til Cussens en George
hafði sent dóttur sína til Norð-
ur-Englands. Hún reyndi þó að
eyða eins mörgum stundum og
hún gat með David en hann var
nú orðinn yfir sig leiður á henni
og sagði vinum sínum að hann
gæfi hvað sem er til að vera laus
við hana. Ruth varð ófrísk enn
og aftur og það varð til að auka
Vinkonur Ruthar á leiö í
heimsókn til hennar í l'ang-
clsiö. I haksýn niá grcina
nokkra af þeiin mótniæl-
enduni scni söfnuöust sam-
an fyrir utan bygginguna til
aö niótniæla aftöku liennar.
ófriðarbálið. Fundir hennar og
Davids enduðu nú oftar en ekki
með ofbeldi á báða bóga og
mismunandi hvort þeirra reiddi
hnefann fyrr til höggs. í einu
slíku rifrildi réðst David á
Ruth, tók fyrir kverkar henni
og barði hana hvað eftir annað í
kviðinn. Hún missti fóstrið í
kjölfar þess fundar. Þetta varð
þó ekki til þess að binda enda á
samband þeirra.
Viku áður en hún skaut hann
fylgdi Ruth David á kappakst-
ursmót og þau eyddu saman
nótt á hóteli og þar ákváðu þau
að reyna enn einu sinni og gifta
sig við fyrsta tækifæri. Þegar til
London kom komst David að
því að hann hafði verið valinn
til að taka þátt í Le Mans
kappakstrinum og í gleði sinni
sendi hann Ruth mynd af sjálf-
um sér og liði sínu. Á ljósmynd-
ina var ritað: „Til Ruthar sem á
alla mína ást." Þegar ljósmynd-
in var til umfjöllunar við réttar-
höldin féll Ruth saman og grét í
eina skiptið meðan á þeim stóð.
Sennilega hefur hún átt bágt
með að þola að minjagripur um
skammvinna sælu hennar væri
dreginn upp á þeim stað.
Næstu helgi tóku blikur að
hrannast á loft. David hafði lof-
að að sækja Ruth en þegar
hann kom ekki fékk hún Cus-
sen til að keyra sig til vinahjóna
hans. Þegar þangað kom sögðu
þau henni að hann væri ekki á
staðnum en að þau hefðu hitt
hann fyrr um daginn og hann
þá lýst því yfir að hann vildi
aldrei sjá hana framar. Við
þetta varð Ruth frávita og allan
næsta dag og næstu nótt leitaði
hún Davids milli þess sem hún
drakk og hvolfdi í sig róandi
töflum. Georgina, dóttir Ruth-
ar, segir f bók sinni um hana að
Cussen hafi látið móður hennar
fá byssu þessa helgi og kennt
henni að fara með vopnið. Um
þetta var aldrei vitnað við rétt-
arhöldin og óvíst að kenning
Georginu sé rétt. En vitað er að
á sunnudagskvöldi fer Ruth út
vopnuð byssu og finnur bíl
Davids Blakely fyrir utan krá
þar sem hann var fastagestur.
Hún beið fyrir utan þar til hann
kom út og þá kallaði hún í
hann. David svaraði henni ekki
og hún kallaði aftur, hann sneri
sér þá í átt til hennar, sá að hún
var með byssu og reyndi að fela
sig bak við bíl sinn. Ruth skaut
tveimur skotum og David tók á
rás, við þriðja skotið féll hann í
götuna. Hún gekk þá að honum
og skaut fjórða skotinu í bak
hans af stuttu færi.
Engin vafi er á því að Ruth
Ellis skaut elskhuga sinn til
bana en við réttarhöldin var lít-
ið gert af því að draga fram þær
málsbætur sem hún hafði.
Stúlkan sú hafði ekki lifað auð-
veldu eða hamingjuríku lífi og
var vafalaust langþreytt á
svikulum karlmönnum sem
tóku það sem þeir vildu og fóru
svo. Hún var einnig tæpast með
sjálfri sér af svefnleysi, drykkju
og lyfjanotkun en ekkert slíkt
var nefnt í réttinum. Hvaða
hlutverki Cussens gegndi í at-
burðarrásinni var aldrei rann-
sakað og enginn veit það með
vissu. Réttarhöldin yfir Ruth
Ellis voru því miðað við það
sem tíðkast í dag tæplega réttlát
á nokkurn hátt. Ruth var hengd
og afleiðingarnar voru hræði-
legar fyrir fjölskyldu hennar.
Foreldrar hennar komust aldrei
yfir áfallið í kjölfar þess að
dóttir þeirra var tekin af lífi,
sonur Ruthar var geðklofasjúk-
lingur og framdi sjálfsmorð og
Georgina dóttir hennar komst
að því átta ára hver örlög móð-
ur hennar höfðu orðið og hún
hefur eytt ævi sinni í að reyna
sætta sig við það að móðir
hennar var morðingi.
Sjónvarpsmynd var gerð um ævi Ruthar Ellis og
Miranda Richardsson lék hana en Rupert Everett
og Ian Holni þá David Blakely og Desmond Cussen.
Vikan 31