Vikan - 03.10.2000, Blaðsíða 55

handklæði. Ef þetta er gert á hverjum degi
kemst sýrustig húðarinnar í gott jafnvægi.
I stað þess að skvetta lausninni á and-
litið er líka ágætt að setja edikið í úðabrúsa
og úða svo á andlitið.
Besti svitaholuhreinsirínn
Látið suðuna koma upp á 1/2 lítra af
vatni. Takið pottinn af hellunni og setjið
á borð. Setjið safa úr hálfri sítrónu og
kryddjurtir eins og rósmarín eða timian
út í vatnið. Setjið sundhettu eða poka yfir
hárið. Hallið síðan andlitinu yfir pottinn
og setjið handklæði yfir þannig að það
hylji bæði höfuð og pott. Haldið höfðinu
í 30 sm fjarlægð frá pottinum í um 15 mín-
útur. Hreinsið því næst andlitið með köldu
vatni til að loka svitaholunum. Notið þessa
aðferð ekki oftar en einu sinni í viku því
annars er hætt við að húðin tapi of miklu
af sinni náttúrlegu fitu.
Þurrt hár
Nuddið ólífu-, sesam- eða maísolíu í hár-
ið. Bleytið tvö handklæði upp úr sjóðandi
heitu vatni og vindið þau síðan í þvottavél.
Vefjið höfuðið í plast eða álpappír áður en
handklæðunum er vafið um það.
Hárgreiðsla með hraði
I stað þess að setja í sig rúllur eða nota
krullubursta í hárið daglega er ráð að rúlla
hárinu upp þurru og breiða yfir það heitt
og rakt handklæði í nokkrar mínútur. Lát-
ið hárið þorna og lagið það svo til.
Frábært augnkrem
Áður en gengið er til náða er gott að
bera laxerolíu í kringum augun. Lýtalækn-
ar nota þessa aðferð stundum á sjúklinga
eftir aðgerð.
Handsnyrting
Blandið saman einum bolla af heitu
vatni og safa úr 1/2 sítrónu. Baðið fingurna
í vatninu í um 5 mínútur. Þurrkið þá síð-
an og ýtið naglaböndunum upp. Nuddið
neglurnar fram og aftur með sítrónuberk-
inum því það gerir þær hvítari.
Þurrt naglalakk með hraði
Til að naglalakkið þorni fljótt skaltu
stinga fingrunum í kalt vatn þegar lakkið
er rétt að byrja að þorna.
Hvítar tennur
Dýfið tannbursta í kramin jarðarber og
burstið kröftulega. Með þessum hætti má
ná af gulri skán og blettum.
Einnig er ráð að bursta tennurnar með
matarsóda til að þær verði hvítari.