Vikan - 28.11.2000, Page 56

Ást á Netinu
Kærí Póstur
Mig langar að byrja á því að þakka fyrir
gott blað. Ég hlakka alltaf til að fá Vikuna
inn um lúguna hjá mér og ég les hana upp
til agna.
Ég skrifa þér út af vandamáli sem mér
gengur illa að leysa. Þannig er mál með
vexti að ég er hrifin af manni sem ég kynnt-
ist á Netinu. Ég prófaði aðfara inn á spjall-
rás í sumar og fannst það mjög skemmti-
legt. Mjögfljótlega kynntistégskemmtileg-
um manni sem kallar sig ,,funboy“ og hann
kenndi mérað komastinn í svokallað spjall-
hólf þar sem við getum skrifast á án þess
að nokkur sjái hvað okkur fer á milli. Hann
er bandarískur og er á svipuðum aldri og ég.
Hann er búinn að senda mér mynd af sér
og mér líst mjög vel á hann. Við eigum líka
sömu áhugamál og virðumst smellpassa
saman.
Nýlega bauð hann mér að koma í heim-
sókn til sín og mig dauðlangar að fara en
er samt pínulítið smeyk við að fara alla
leið til Bandaríkjanna og hitta mann sem
ég hef í raun aldrei talað við. Vinkonum
mínum finnst þetta algjört brjálæði og vilja
alls ekki að ég fari. En ég er rómantísk í eðli
mínu og hef það sterklega á tilfinningunni
að ég sé búin að finna ástina mína. Á ég
að fylgja innsæi mínu eða hvað?
Með von um skjót svör,
Magga
Kæra Magga
Á tímum örrar tækniþróunar hefur orðið
bylting í samskiptum fólks og fjölmargir
einstaklingar hafa notfært sér Netið til öfl-
unar á upplýsingum og þjónustu eða hrein-
lega til þess að kynnast nýju fólki. Við höf-
um öll heyrt sögur af einstaklingum sem
hafa kynnst og orðið ástfangnir ( gegnum
Netið og er allt gott um það að segja.
Hins vegar getur þessi samskiptamáti
verið varasamur. Fólk getur hæglega villt
á sér heimildir og gefið upplýsingarsem eru
ekki réttar, t.d. logið til um kyn, aldur,
starf eða jafnvel þjóðerni. Þess eru mýmörg
dæmi. Þóég vilji ekki leggja dóm á vin þinn,
þá myndi ég í þínum sporum fara afar var-
lega. Ég myndi ekki fara til Bandaríkjanna
undir þessum kringumstæðum heldur þróa
sambandið betur í lengri tíma og jafnvel
stinga upp á því að þið talið stundum sam-
an í síma. Þú gætir hugsanlega kynnst hon-
um betur með því móti. Þrátt fyrir að útlit
skipti aðsjálfsögðu ekki öllu máli þáskaltu
samt hafa hugfast að þótt hann hafi sent
þér mynd, er allsekki víst að hún sé af hon-
um.
Margar konur hafa orðið fórnarlömb
slæmra manna sem stunda þá iðju að vafra
um á Netinu í þeim tilgangi að kynnast sak-
lausum konum og féfletta þær eða fara illa
með þær tilfinningalega.
Þú ertgreinilega búin að vera í samskipt-
um við „funboy" í nokkra mánuði ogeflaust
myndi þig nú vera farið að gruna að ekki
m
væri allt með
felldu, ef svo
væri. Mér finnst nafngift-
in sem hann velur sér bera
vott um kæruleysi og að
hann sé frekar ung-
ur. Oft er hægt að
lesa nokkuð um við-
kom-
andi fólk
út úr þeim nöfnum sem
það kýs að ganga undir á Netinu. Þó vil ég
alls ekki alhæfa neitt í þeim efnum. Það
er möguleiki á að þetta sé hinn viðkunn-
anlegasti maður, en farðu varlega fyrir alla
muni. Það væri öllu nær að þú myndir
stinga upp á því að hann kæmi til íslands.
Þannig ert þú öruggari, heldur en ein á
ferð í Bandaríkjunum á stefnumóti við blá-
ókunnugan mann.
Gangi þér vel.
Spurningar má
senda til „Kæri
Póstur“ Vikan,
Seljavegi 2, 101
Reykjavík. Farið er
með öll bréf sem
trúnaðarmál og
þau birt undir
dulnefni.
■■■^B
Netfang: vi
56 Vikan