Menntamál - 01.12.1940, Side 8

70
MENNTAMÁL
börnum, sem ætluðu að ganga undir inntökupróf 'í æðri
skóla.
Sigríður Magnúsdóttir fylgdist vel með nýjungum í
kennslumálum hér heima og annars staðar. Hún fór oft
utan, hafði ferðazt um mörg lönd Evrópu og dvalið svo
mánuðum skipti t. d. í Svíþjóð, Noregi, Danmörku og Eng-
landi. Sótti hún kennslufræðileg námskeið erlendis og
heimsótti skóla. Hún var í hópi þeirra íslendinga, sem sóttu
uppeldismálaþingið í París 1937, ennfremur hafði hún mætt
sem fulltrúi íslenzkra kennara á kennaraþingum á Norður-
löndum.
Svo sem sjá má af því, er að framan greinir, þá naut Sig-
ríður Magnúsdóttir trausts og álits meðal kennara landsins.
Kennarasambandið vottar henni virðingu og alúðarfyllstu
þakkir fyrir langt og óeigingjarnt starf í þágu þess. —
Menntamál þakka henni á sama hátt. Sigríður bar hag
S. í. B. og Menntamála mjög fyrir brjósti og vann vel og
dyggilega fyrir hvort tveggja. Skólarnir, sem hún starfaði
við, eiga henni einnig mikið að þakka. Er mér kunnugt
um, að Sigurður Jónsson skólastjóri Miðbæjarskólans á
þeim tíma, sem hún vann þar, mat hana mjög mikils og
bar mikla virðingu fyrir henni sem kennara. Ætla ég, að
það muni allir hafa gert, sem kynntust starfi hennar að
nokkru ráði. Persónulega votta ég Sigríði Magnúsdóttur
virðingu og alúðarþakkir fyrir gott samstarf í skólanum,
í Sambandi ísl. barnakennara og við Menntamál. Hvíli hún
í guðs friði.
Sigurður Thorlacius.