Menntamál - 01.12.1940, Page 10

72
MENNTAMÁL
skal haldiö áfram upp á við, þar til barninu mistekst við
5 þrautir í röð eða einn aldursflokk þrauta.
Þegar barn er vitprófað, verður því oft að láta það fást
við þrautir fyrir 4 aldursflokka, sem eru fyrir neðan og
ofan aldur þess.
Nákvæm vitprófun tekur oftast 30—40 mínútur. Vitpróf
á börnum innan við 7 ára aldur ætti aldrei að taka meira
en hálftíma. Ef barnið sýnir þreytumerki, á að lofa því að
hvíla sig.
Þegar prófandinn veit, að um treggáfuð börn er að ræða,
byrjar hann á því að leggja fyrir þau þrautir, sem hœfa
áœtluðum vitaldri þeirra. Hann áætlar t. d., að treggáfað
7 ára barn hafi 5 ára vitaldur, og byrjar hann þá á því, að
leggja fyrir það þrautir, sem hæfa 5 ára aldri.
Fyrstu þrautirnar eiga að vera valdar þannig, að kvíðinn
og feimnin fari af barninu, að því aukist þor og áræði og
finnist ‘prófið skemmtilegt. Jafnframt eiga fyrstu þraut-
irnar að gefa prófandanum hugmynd um andlegan þroska
barnsins, svo að hann sjái nokkurn veginn á hvaða vitaldri
það er. — Binet réð því til að byrja á myndaþrautunum.
Eftir lýsingum þeim, sem barnið gefur af myndunum, sést,
hvort það hefir 3, 6 eða 12 ára vitaldur. Enski sálarfræð-
ingurinn, C. Burt, ræður til að byrja á því, að sýna börnum
á 5—6 ára alari peninga (9 algengustu myntir). Einnig er
gott að byrja á því, að spyrja yngri börn að nafni og aldri.
Fer þá feimnin oftast af þeim. Byrja má prófið á eldri
börnum með því að láta þau lesa, skrifa nafnið sitt, hafa
yfir dagatalið eða nefna mánuðina.
Þegar prófandinn hefir þannig unnið bug á feimni og
kvíða barnsins og gert sér jafnframt nokkurn veginn grein
fyrir, á milli hvaða aldursmarka vitaldur barnsins leikur,
hefst sjálft vitprófið eftir þeirri meginreglu, sem að framan
er lýst. Þrautir, sem krefjast skarprar eftirtektar og mik-
illar áreynslu, ættu þó yfirleitt ekki að geymast þangað til
seinast, heldur þrautir, sem krefjast útbúnaðs, svo sem