Menntamál - 01.12.1946, Page 9

MENNTAMÁL
143
„Ekki væri það neitt óeðlilegt, þótt iðnlöggjöfin væri
löguð eftir nýjum viðhorfum í kennslumálunum.“
„Nei, það væri ekkert óeðlilegt,“ segir Hannibal. „Iðn-
aðarmenn verða að átta sig á því, hvað er að gerast og
hvað getur gerzt í starfsemi unglingaskólanna. Þeir eiga
að heimta vel mennta menn í sína iðn og jafnframt gera
sitt til að hlúa að öllum tilraunum til þess að gera ungling-
ana að slíkum mönnum. Þjóðinni ríður á því, að hæfileik-
ar uppvaxandi kynslóðar verði nýttir sem allra bezt, bæði
á bóklegu og verklegu sviði.“
Hannibal Valdimarsson, skólastjóri Gagnfræðaskólans
á ísafirði, er fæddur 13. janúar 1903 í Arnardal fremri
við Skutulsfjörð. Hann tók gagnfræðapróf á Akureyri
1922 og kennarapróf við Johnstrup Stats-Seminarium í
Danmörku 1927. Síðar var hann við barnakennslu á Isa-
firði og Akranesi og í framhaldi af því skólastjóri við
barnaskólann í Súðavík. Því næst var hann stundakenn-
ari við gagnfræðaskólann á ísafirði, og skólastjóri hans
varð hann haustið 1938 og hefur verið það síðan. Hanni-
bal er löngu landskunnur maður fyrir afskipti sín af
margvíslegum félagsmálum alþýðunnar og er nú land-
kjörinn alþingismaður.
Endurskoðun lestrarbókanna.
Stjórn ríkisútgáfu námsbóka hefur ráSið Gunnar M. Magnúss kenn-
ara til þess að endurskoða lestrarbækur barnaskólanna og jafnframt
valið ]>á Snorra Sigfússon skólastjóra, Þórleif Bjarnason námsstjóra
og Karl Finnbogason fyrr skólastjóra til þess að vera í ráðum með
honum um tilhögun og val efnisins. Gunnar er þegar byrjaður að
vinna að endurskoSuninni, en hennar hefur verið hin mesta þörf,
og er vcl, að reyndur kennari hefur nú tekið hana að sér.