Menntamál - 01.12.1946, Síða 37
MENNTAMÁL
171
Hinrik Pestalozzi
1746-1946
Snemma á því ári, sem
nú er að enda, voru liðin
200 ár frá fæðingu eins
hins merkasta uppeldis-
fræðings veraldar að fornu
og nýju. Það þykir ekki úr
vegi, að minnast hans að
nokkru hér í tímaritinu,
þótt betur hefði átt við að
gera það fyrr á árinu og
þótt grein þessi verði
styttri og af meiri vanefn-
um gerð en sæmt hefði hin-
um mikla meistara.
Johann Heinrich Pesta-
lozzi var fæddur í Zúrich
í Sviss 12. janúar 1746.
Faðir hans var augnlæknir
og andaðist, þegar sveinninn var fimm vetra, og ólst hann
upp hjá móður sinni, góðri konu og guðhræddri. Hann var
heilsutæpur í æsku og bar ekki af öðrum unglingum í
skóla. Snemma snerust hugsanir hans mjög um það, á
hvern hátt hann mætti bæta líkamleg og andleg kjör al-
þýðu, en þau voru þá hin aumkunarverðustu. Hann stofn-
aði félag ásamt nokkrum jafnöldrum sínum, og ræddu
þeir þar mjög þjóðfélagsleg vandamál. Yfirvöldin sundr-
uðu félaginu, og Pestalozzi var settur í varðhald, en lát-
inn laus aftur eftir stranglega áminningu og aðvörun.
Hinrik Pcstulozzi.