Menntamál - 01.02.1948, Qupperneq 7

MENNTAMÁL
XXI., 1.
JAN.—FEBR.
1948
KRISTINN BJÖRNSSON stud. mag.:
Norrænt sálfræðingamót.
i.
Fyrsta mót norrænna sálfræðinga og sálfræðinema var
haldið í Oslo dagana 5.—9. ágúst s. 1. Félag norskra sál-
fræðinga gekkst fyrir móti þessu. Tilgangurinn með því
var fyrst og fremst sá að gefa sálfræðingum Norðurlanda
kost á að koma saman, kynnast og ræða sameiginleg áhuga-
mál og þau vandamál, sem þessari ungu vísindagrein er
ætlað að leysa. Enn sem komið er, hefur ekki verið um
neina samvinnu að ræða milli norrænna sálfræðinga, enda
hefur sú stétt verið mjög fámenn, og hefur lítið látið til
sín taka. Liggur við, að segja megi, að sálfræðin hafi
þjónað sínu hlutverkinu í hverju þessara landa, og fyrir-
komulag sálfræðinámsins er hið sundurleitasta, eins og ég
mun drepa á síðar.
Mót þetta sóttu um 400 fulltrúar, flestir frá Noregi eða
um 190. Næst kom Svíþjóð með 100 fulltrúa. Danir voru
90, Finnar 13 og einn íslendingur, sá sem þetta ritar.
Á dagskrá mótsins voru nokkrir fyrirlestrar um vís-
indaleg efni, sem allir fundarmenn gátu hlustað á, og voru
þá leyfðar umræður eftir hvern fyrirlestur. Vegna tíma-
skorts urðu þær þó oftast styttri en menn óskuðu. Auk
þessara fyrirlestra voru flutt nokkur stutt erindi. Hafði
þátttakendum fyrst verið skipt í fjóra hópa eftir áhuga-
málum. Það var tilraunasálfræði, sáltækni (psykoteknik),
félagssálfræði og uppeldissálfræði. Erindi voru svo haldin
samtímis í öllum þessum hópum og umræður leyfðar eftir
hvert erindi. Þá voru og haldnir sérstakir fundir, þar