Menntamál - 01.02.1948, Page 8

2
MENNTAMÁL
sem gefnar voru upplýsingar um námsskilyrði og atvinnu-
horfur sálfræðinga í hverju landi og rætt um samvinnu-
möguleika sálfræðinga á Norðurlöndum. Fundarmönnum
var auk þess séð fyrir nokkrum skemmtiatriðum og stutt-
um ferðum í nágrenni Oslo. Þetta urðu því ónæðissamir
dagar, þótt þeir væru bæði skemmtilegir og lærdómsríkir.
Ég mun nú í fáum orðum gefa yfirlit yfir hið helzta, sem
gerðist á mótinu. Að sjálfsögðu eru þó engin tök á að
skýra frá öllum þeim fyrirlestrum, sem þar voru fluttir,
enda væri það tilgangslítið.
II.
Mótið hófst með hátíðlegum fundi þriðjudaginn 5. ágúst.
Viðstaddir voru meðal annarra Hákon konungur og ólafur
konungsefni. Formaður Norræna félagsins, Harald Grieg,
bauð erlenda gesti velkomna og lét í ljós þá ósk, að sam-
vinna norrænna sálfræðinga mætti verða til að auka skiln-
ing og velvilja þessara þjóða innbyrðis.
Formaður Félags norskra sálfræðinga, frú Áse Gruda
Skard, kvaðst vona, að samvinna norrænna sálfræðinga
gæti orðið víðtæk í framtíðinni.
„Tveimur árum eftir árásina á Hiroshima hittumst við
ekki með neinu sigurhrósi,“ sagði hún. „Við höfum það á
tilfinningunni, hve maðurinn er vanmáttugur gagnvart
þeim öflum, sem búa í hans eigin hug, en við erum einnig
sannfærð um, að við sem sálfræðingar höfum nokkuð að
láta heiminum í té. Með skelfingu höfum við séð, hve djúpt
er til botns í mannshuganum, en við höfum einnig séð, að
vísindagrein okkar getur varpað nýju Ijósi yfir þau öfl,
sem þar ráða. í dag sjáum við verkefni okkar við að byggja
upp betri heim, og við vonum, að starf okkar þessa daga
megi ná tilgangi sínum.“
Gerhardsen forsætisráðherra sagði því næst nokkur orð
og lét í Ijós ánægju sína yfir því, að Oslo skyldi vera að-
setursstaður fyrsta sálfræðingamóts Norðurlanda.