Menntamál - 01.05.1952, Blaðsíða 24

62
MENNTAMÁL
fræðsluna í þessum greinum í litlu rúmi liggja. Menn hafa
allt of oft flaskað á því að gera þessi tvenn viðhorf að and-
stæðum. Til allrar blessunar er því svo farið, að kunnátta í
einhverju efni vekur áhugann, og á hinn bóginn vilja menn
gjarna kynnast því, sem menn hafa áhuga á. Við bætist,
að margs konar kunnátta í náttúrufræðilegum efnum er
beinlínis gagnleg, til að mynda þekking á fæðutekju jurta
eða á húsdýrum og öðrum ,,nytsömum“ dýrum.
En ekki verður synjað fyrir það, að í tímans straumi
hafa hrúgazt upp einstök þekkingaratriði, sem kennarar
í náttúrufræðum streitast við að troða inn í börn, þótt þau
hafi ekkert gildi, hvorki til þess að vekja áhuga né í neinu
öðru tilliti. Það þarf víða að hreinsa hismið frá kjarnan-
um. Ef nokkuð af ruslinu er borið út á hauga, gefst betra
tóm til að skyggnast dýpra í önnur rök. Það skiptir engu
máli, þótt eitt dýr eða tvö sleppi úr grindunum, — þau kom-
ast þar hvort sem er ekki fyrir öll.
Norrænt skólamót 1953.
Norrænt skólamót, hið sextánda í röð, verður haldið í Ósló dag-
ana 5.-7. ágúst 1953. Opinber tilkynning um mótið verður þó ekki
gefin út l'yrr en í septcmber n. k. En mótstjórnin Iiefur ritað fræðslu-
málastjóra bréf og beðið hann að láta þær fréttir berast, að í ráði sé
að halda skólamótið á þessum stað og stund, svo að kennurum gef-
ist nægur tími til undirbúnings þátttöku sinni, og að J>eir varist að
boða til námskciða eða funda í félagssamtökum sínum um sama leyti.