Menntamál - 01.08.1961, Side 83

MENNTAMÁL
161
en það tíðkast með ýmsum þjóðum ólíkum Islendingum.
Auðveld er flokkunin einnig þar, sem kennaramenntunin
er eingöngu á háskólastigi (entirely at higher level) og fer
fram í háskólum. (Ástralía, Tékkóslóvakía, og að nokkru
leyti Canada, Bretland og Vestur-Þýzkaland. Eðlilegt tel
ég að bæta hér við Bandaríkjum Norður-Ameríku og
Rússlandi1) Br. J.). Næstir ganga kennaraháskólar eða
kennaraakademíur. (T. d. Finnland, Grikkland, Basel-
kantona í Sviss.) Um þetta afbrigði akademisks kennara-
náms segir í skýrslunni: „Námsefni í skólum þessum er
stundum uppeldisgreinar einar, annars tekur það til al-
mennra námsgreina einnig.“
Hér á eftir mun ég gera nokkra grein fyrir þeirri þróun,
sem kennaramenntunin hefur tekið í Bandaríkjum Norður-
Ameríku, Þýzkalandi, Englandi og Norðurlöndum, eink-
um Noregi, en þar hafa nefndir fjallað um kennaramennt-
unina, mikið verið um hana rætt undanfarin ár og ný
löggjöf undirbúin.
BandaHJán.
Ég gat þess að framan, að ég teldi eðlilegast að flokka
kennaramenntun í Bandaríkjunum með hreinni háskóla-
menntun. Að vísu munu þeir, er vel þykjast vita, minna
á, að nær fimmtungur bandarískra barnakennaraefna
ljúki ekki háskólaprófi; ennfremur sé hæpið að leggja að
jöfnu inntökuskilyrði í bandarísk colleges og inntökuskil-
yrði í evrópska háskóla. Hvað sem því líður, fer námið
fram með háskólasniði í bandarísku kollegunum, og nám-
inu ýkur með prófi, er veitir lægstu háskólagráðu. Tekur
það yfirleitt f jögur ár.
Lærdómsríkast ætla ég þó að hafa hliðsjón af þeirri
stefnu, er Bandaríkjamenn hafa tekið og hvert mat þeir
leggja sjálfir á mismunandi tegundir kennaraskóla. Þró-
I) Sbr. Menntamál 3, 1960, bls. 240.