Menntamál - 01.04.1965, Síða 43

MENNTAMAL
37
Ingi Krislinsson skólastjóri.
— Hvernig tókst þetta fyrsta vornámskeið í Melaskól-
anum, Ingi?
— Ég held mér sé óhætt að segja, að það hafi teki/.t vel.
liæði kennarar og þeir foreldrar, sem ég hefi heyrt frá,
telja, að þessi tilhögun sé mjög jákvæð.
— Var námskeiðið vel sótt?
— Mjög vel sótt. Segja má, að svo til öll börn, sem hefja
áttu skólagöngu þetta skólaár, sæktu námskeiðið.
— Hve fjölmennur var þessi árgangur?
— Um 150 börn.
— Og var þá hægt að mynda bekk með óskólaþroska
börnum eingöngu?
— Já, það voru valin úr lfi börn, sem ekki voru talin
hafa nægan þroska til að hefja venjulegt byrjunarnám. Þess
má geta, að þetta er nákvæmlega það hlutfall barnafjöldans,
sem gert er ráð fyrir að þurfi vist í skólaþroskabekk.
— Hvernig var valinu hagað í þennan bekk?