Menntamál - 01.04.1972, Page 16

dóttir bókina um köttinn, sem hvarf, frábæra
sögu í bundnu máli og listilega myndskreytta
klippmyndum. Þessi bók liefur lengi verið upp-
seld, og er skaði, að hún skuli ekki hafa verið gefin
út aftur. Önnur ágæt saga í bundnu máli er „En
hvað það var skrýtið" eftir Pál J. Árdal. Bóka-
útgáfan „Gimbill“ gaf hana út fyrir nokkrum
árum með mjög skemmlilegum myndum eftir
Halldór Pélursson. Hún mun einnig vera upp-
seld. Önnur íslenzk myndlistarkona, Ásgerður
Búadóttir, hefur gert söguna Rauða Jiattinn og
krumma, ágæta smábarnabók skreytta klipp-
myndum. Þá má nefna Vilborgu Dagbjartsdóttur
kennara, sem samið liefur sögurnar um Alla
Nalla og Labba pabbakút, en þær segja frá dag-
legu lífi lítilla drengja á skemmtilegan hátt.
Herdís Egilsdóttir kennari hefur gert ævintýrin
um Siggu og skessuna. Herdís er bæði hugmynda-
rík og fyndin. Sennilega á hún drjúgan þátt í
að breyta hugmyndum barna um skessur. Skess-
an hennar Herdísar er góð sál og vill öllum vel.
Eins og áður segir eru flestar af þeim smá-
barnabókum, sem komið hafa út hér á landi,
þýddar. Skal hér getið nokkurra, sem mér finnst
vera til fyrirmyndar um þýðingu á texta og frá-
gang allan. Bókaútgáfan Heimskringla gaf út
tvö tékknesk ævintýri fyrir nokkrum árum, „Lötu
stelpuna" og „Nízka hanann“ í ágætri þýðingu
Hallfreðs Arnar Eiríkssonar. Myndirnar í þess-
um bókum eru eftir tékkneskan listamann, skín-
andi vel gerðar. Báðar þessar sögur lienta vel
börnum á aldrinum 4—6 ára. Þau eru flest farin
að geta hlustað á lengri sögur. Því miður munu
báðar þessar bækur vera uppseldar nú eins og
fleiri góðar smábarnabækur. Bókaútgáfan Örn
og Örlygur liefur gefið út „Ferðir Dagfinns dýra-
læknis“ eftir Hugh Lolting í ágætri þýðingu
Andrésar Kristjánssonar. Þessi bók er umskrifuð
fyrir yngri börnin, og prýða skemmtilegar mynd-
ir hverja síðu. Fyrir mörgum árum gaf bókaút-
gáfan Björk út bókina „Palli var einn í heimin-
um“ eftir Jens Sigsgaard, hinn kunna danska
uppeldisfrömuð. Þýðinguna gerði Vilbergur Júlí-
usson skólastjóri, en hann hefur þýtt margar
ágætar smábarnabækur, m. a. söguna um „Stubb",
sem 2 ára börnin eru svo lirifin af. Lengi var
MENNTAMÁL
74
„Palli var einn í heiminum" uppseld, en kom
svo út á ný 1970 og var vel fagnað af börnum. í
vetur kom út hjá bókaútgáfunni „Örn og Örlyg-
ur“ sagan um köttinn með höttinn, bráðskemmti-
leg saga í bundnu máli. Loftur Guðmundsson
hefur þýtt söguna frábærlega vel. Myndirnar í
bókinni eru fullar kímni; einkum hafa hin ýmsu
svipbrigði kattarins vakið mikla kátínu hjá börn-
unum. Þá mætti nefna sögurnar um Óla Alex-
ander filibomm-bom-bom eílir norska barnabóka-
höfundinn Anne-Cath. Vestly. Þessar sögur fjalla
um lilla snáðann hann Óla Alexander, sem á
heima í háhýsi. Frásögnin er létt og skemmtileg
og höfðar til kímnigáfu barnanna. Hróðmar og
Stefán Sigurðssynir hafa þýtt þessar sögur mjög
vel. Bækurnar um Óla Alexander henta vel lil
framhaldslestrar fyrir börn á aldrinum 5—7 ára.
Bókaútgáfan Saga hefur gefið út söguna „Friðrik
og bíllinn" eftir Egon Matthiesen, þekktan dansk-
an höfund smábarnabóka. Þar segir frá drengn-
um Friðrik, sem leggur af stað í ferðalag um
heiminn í leit að svörtu börnunum. Á leiðinni
slást í hópinn börn af öðrum litarháttum, frá
Grænlandi, Ameríku, Suðurhafseyjum og Kína.
Öll leita þau að svörtu börnunum, sem þau
finna að lokum í Afríku; þá er slegið upp veizlu
og allir leika sér í sátt og samlyndi. Af öðrum
bókum Sögu má nefna ævintýrið um Rauðálf,
Litla hrein og Trén í skóginum. Kristín Tryggva-
dóttir hefur þýlt þessar bækur allar. Bókaútgáf-
an Iðunn gaf fyrir skömmu út tvær smábarna-
bækur, „Prinsessuna, sem átti 365 kjóla“ og „Litlu
nornina Nönnu" í ágætri þýðingu Örnólfs
Thorlaciusar. Báðar jtessar bækur eru prýddar
mjög skemmtilegum myndum.
Sjálfsagt rnætti geta fleiri bóka, en ég læt hér
staðar numið. Mér virðist bókaútgefendur séu
að byrja að gera sér Ijóst, að ekki er síður nauð-
synlegt að vanda til smábarnabóka en annarra
bóka. Að sjálfsögðu verða bækurnar dýrari fyrir
vikið. En á jtað má bencla, að ekki er það merki-
legt leikhmg, sem kostar minna en 250 krónur.
Margir foreldrar eru einnig farnir að gera sér
ljósa nauðsyn þess, að barnið eignist bækur við
sitt hæfi, þó það sé ekki byrjað að lesa sjálft.
Allir nútíma tippeldisfræðingar telja smábarna-