Menntamál - 01.04.1972, Side 40

veriö of hægfara. Á þessu sviði höfum við dregizt
aftur úr og það þarf að vinna upp.
b) Hvers konar tækni mun í framtíðinni hafa æ víðtæk-
ari áhrif á daglegt líf okkar, hvort sem mönnum þykir
það Ijúft eða leitt.
c) Andspænis þessari þróun verður stjórn verk- og
tæknimenntunar að vera afar næm og sveigjanleg.
d) í þessu sambandi bendir starfshópurinn á, að nú
gegnir enginn tæknimenntaður maður störfum innan
menntamálaráðuneytisins. Úr þessu þarf að bæta
þegar í stað.
e) Af því, sem þegar er sagt er sýnt, að símenntun og
endurhæfing fullorðinna er óvíða jafn brýn og á verk-
og tæknisviðinu.
1. 2. Háskólastig.
Um tæknimenntun á háskólastigi telur ráðstefnan að
gilda eigi sömu samræmingarsjónarmið og áður er lýst
fyrir framhaldsskólastigið.
Hvort sem námstitlar verða tæknifræðingur, verkfræð-
ingur, tæknihagfræðingur eða eitthvað annað, er það
ályktun ráðstefnunnar, að hér eigi að fara eftir sam-
ræmdri námsskrá og punktakerfi.
Jafnan verði tekið mið af tæknimenntun, þar sem
hún gerist bezt hjá öðrum þjóðum.
í þessu kerfi mundi hver bútur af námsefninu venju-
lega byggja á öðrum bútum í sömu og í skyldum náms-
greinum. Til ákveðinna starfa í þjóðfélaginu yrði eftir
þetta auðvelt að velja menn með tiltekið magn náms-
eininga sem lágmark í ákveðnum greinum.
2. Starfrænt nám og stöðug kynning þess
Ráðstefnan minnir á að í mörgum starfsgreinum þjóð-
félagsins vinnur stór hópur fólks án starfsmenntunar.
Ætla mætti að slíkt ástand standi þróun starfsgrein-
anna fyrir þrifum. Nefna má matvælaiðnað, vefnaðar-
og fataiðnað sem dæmi um slíkar atvinnugreinar.
Ef skipulagðar væru námsleiðir á sviðum þessara
mikilvægu atvinnuvega, mætti búast við að betri árang-
ur næðist í framleiðslu, og auk þess mundi skipulagning
slíkra námsleiða beina fleiri góðum starfskröftum inn
í þessar starfsgreinar.
Á meðan sameinaður framhaidsskóli er ekki mótaður,
er mikil þörf fyrir aðila, sem veitir stöðugt upplýsingar
um námsleiðir á framhaldsskólastigi. Sami aðili þyrfti
að geta fylgzt með á hvaða sviðurn sé þörf aukins mann-
afla á hverjum tíma og ýtt undir skipulagningu nýrra
námsleiða, þegar þarfir skapast til þess.
Ef upplýsingastarfsemi er ekki næg, er hætta á að
nemendur velji sér starf eftir ríkjandi hefð og tízku. Nem-
endur eru oft lengi óákveðnir og lengja undirbúnings-
nám sitt að óþörfu. Betri upplýsingar stuðluðu að því
að nemendur fyndu fyrr starfsgreinar við sitt hæfi.
MENNTAMÁL
98