Heima er bezt - 01.10.1967, Blaðsíða 39

84. Her ICarls konungs II. var nú staðsettur aðeins hálfa
mílu vegar frá herrasetri systranna, og snemma morgun-
inn eftir var þeim félögum hleypt fram hjá útvörðum
hersins og gáfu sig síðan fram hjá yfirhershöfðingjanum.
Er leið á daginn fylgdi hann ungu aðalsmönnunum til
Karls konungs ríkislausa, og varð hann mjög forviða að
veita móttöku elzta syni Beverlýs ofursta. — Ég hélt að
öll börn hins hugrakka ofursta hefðu farizt í hinum sví-
virðilega morð-bruna að Arnarskógi, sagði konungur. —
85. Þegar daginn eftir hlaut Eðvarð eldskírn sína. En
þrátt fyrir djarfmannlega vörn konungs-hersins urðu her-
menn Cromwells sigursælli í orrustunni, og Karl konung-
ur varð landflótta. Eðvarð og Karlungur og einn foringja-
félagi þeirra, Grenvaldur að nafni, ákváðu að leita sér
hælis í Nýjaskógi. Og til þess að vekja ekki eftirtekt og
verða ef til vill handteknir, klæddust þeir einkennisbún-
ingi þjóðhersins. Og að loknu mjög ævintýralegu ferða-
lagi kom Eðvarð þessum tveimur félögum sínum alla leið
til skógarvarðarkofans í Nýjaskógi. — 86. Hér kynnti
Eðvarð þessa vini sína systkinum sínum og Palla. Og inn-
an skamms sat allur hópurinn umhverfis borðið að góð-
um kvöldverði. Nú var þessu ráðstafað þannig, að her-
mennirnir ungu skyldu halda til í húsi Klöru, sem fram-
vegis var tómt, en Eðvarð skyldi fara til Steins skógar-
varðar og skýra honum frá ósigri Karls konungs, og það
myndi henta þeim báðum bezt, að hann færi þangað í
einkennisbúningi þjóðhersins. — 87. Eðvarð fékk hjart-
anlegar viðtökur bæði hjá skógarverðinum og dóttur hans,
og sneri síðan heim aftur í venjulegum veiðimannabún-
ingi. Þar var þá kominn eftirlitsmaður Cromwells-riddara
með njósnarsveit sína til að grenslast eftir flóttamönnum.
En Humri var kænn að vanda og sagði þeim að þau hefðu
einmitt hýst tvo Cromwells-riddara, og benti á hesta þeirra
fyrir utan, og sagði að þessir náungar hefðu nærri því
étið hann alveg út á húsgang. — Eftirlitsmennirnir hlógu
dátt og riðu á brott.