Heima er bezt - 01.03.1973, Page 23

Eignatjón í Vestmannaeyjakaupstað er gífurlegt. Myndin er tekin 21. jan. sl.
Ljósm.: Ævar fóhannesson.
arstöð landsins, sem framleitt hefur drjúgan hluta þeirra
verðmæta, sem gert hafa okkur svo áhyggjulausa.
Eldsumbrot úr jörðu er auðvitað ekkert nýnæmi fyrir
okkur nútímafólk, og af íslandssögunni þekkjum við
það tjón, sem þau bökuðu forfeðrunum. En aldrei í
þjóðarsögunni hefur staðið af þeim þvílík ógn, og sem
við sjáum ekki fyrir endann á enn.
Fyrstu viðbrögð voru að bjarga fólkinu, því enginn
veit með vissu hvað gerzt getur þegar jörð rifnar
af eldi. Eldfjallasagan geymir sögur af eylöndum, sem
sprungið hafa í loft upp í slíkum hamförum.
Lánið lék við okkur. Hinn fríði floti Vestmanna-
eyinga var í höfn og hann var mögulegt að nota til
björgunar, sem gerð var af svo mikilli prýði, að á 18
klukkustundum var rúmlega 5000 mönnum kippt upp á
meginlandið, án þess nokkur óhöpp skeðu. Þetta var
afrek, sem erlendir kunnáttumenn áttu ekki annað en
hástemmd lýsingarorð yfir.
Það var guð vors lands og gifta Vestmannaeyinga,
sem hér stóðu að verki.
En fólkið var varla stigið á land á meginlandinu, er
upphófst hið furðulegasta tal um þá stofnun, Almanna-
varnarráð, sem raunverulega stjórnaði þessum aðgerð-
um. Þessi stofnun hafði hingað til verið eins konar mið-
punktur háðs og spotts. Meira að segja sjónvarpið sýndi
okkur eitt sinn birgðaskemmu hennar umflotna vatni,
eins og það vildi með því sýna, að ekki væri nú mikið
gagn af þessu. Allt í einu rann það upp fyrir mönnum,
að líklega væri þetta bara hin þarfasta stofnun. Samt
þurfti að atyrða hana fyrir eitthvað, og nú var hún
skömmuð fyrir að leita ekki strax á náðir hinnar banda-
rísku vinaþjóðar, sem hún þó gerði, því þyrlur af Kefla-
víkurvelli fluttu í land sjúklinga og gamalt fólk úr
sjúkrahúsinu. Enginn sanngjarn maður ber á móti því,
að þessir flutningar hljóta að hafa auðveldað hinum
heilbrigðu flóttann, þótt auðvitað hefðum við líka get-
að flutt þetta fólk með.
Hefðu aðstæður verið verri til björgunar, efa ég ekki,
að Almannavarnaráð og stjórnvöld hefðu leitað á náðir
nefndrar vinaþjóðar, sem auðvitað hefði brugðizt strax
við með stórvirkum tækjum og mestu tækni í heimi.
Það, sem ég hryggist yfir, er, að til skuli vera þeir
Heima er bezt 95