Æskan - 01.06.1987, Blaðsíða 26

„ALLIR ERU
„Það væri svo miklu skemmtilegra að
vera í eltingaleik með krökkunum ef ég kæmist upp stiga. . .
„Ég leið súrefnisskort í fœð-
ingu og hreyfistöðvar í heilan-
um skemmdust. Þess vegna er
ég fötluð og verð að vera í
hjólastól. Ég get aðeins gengið
þegar ég er studd eða í göngu-
grind. Þó að ég verði stundum
leið yfir því að geta ekki hreyft
mig eins og önnur börn þá
hugsa ég líka um það að þetta
hefði getað orðið verra. Stund-
um dreymir mig á nóttunni um
að ég geti gengið og þá líður
mér svo vel. “
Sú sem mælir þessi orð heitir Ólöf
Inga Halldórsdóttir og er 8 ára. Við
heimsóttum hana nýlega á Sumardval-
arheimili Styrktarfélags lamaðra og
fatlaðra í Reykjadal í Mosfellssveit.
Hún dvaldist þar í hálfan mánuð.
Ólöf Inga á heima í Reykjavík. Hún
á einn bróður sem er aðeins sjö vikna.
Hann heitir Hafliði. Hún segir að það
sé ofsalega gaman að eignast systkini.
Hún hjálpar mömmu sinni stundum að
gæta hans.
— Áttu margar vinkonur?
„Já, bæði hérna í Reykjadal og eins
heima í Reykjavík. Ég bý í götu sem
heitir Ofanleiti og þar búa líka margar
vinkonur mínar. Við förum oft út sam-
an að drullumalla. Þetta er nýtt hverfi
og þess vegna auðvelt að komast í
mold. Við mokum henni í fötur og
hvolfum svo úr þeim og þá verða kök-
urnar eins og fjall. Ég er í stólnum svo
að stelpurnar verða að hjálpa mér dálít-
ið. Það er mikið af skurðgröfum að
vinna í kringum nýbyggingarnar svo að
við verðum að gæta okkar vel. Mamma
er alltaf hrædd um mig þegar ég er ein
úti með stelpunum."
— Hvað heita bestu vinir þínir?
„Ég get ekki nefnt einn fremur en
annan. Allir eru bestu vinir mínir.“
— Hvernig líkar þér hérna í Reykja-
dal?
„Mjög vel. Hérna er hægt að gera svo
margt skemmtilegt. Við getum farið í
alls konar leiki, einnig í sund, göngu-
ferðir, bátsferð á Hafravatni og bokkía-
Við höfum farið til Reykjavíkur að sjá
nýjustu James Bond myndina. Það er
skemmtileg mynd. Svo fórum við tvær
vinkonur að heimsækja strák sem er
núna á Reykjalundi en var hér í nokkra
daga.
Hefur gaman af glímu
Ólöf Inga er í Hlíðarskóla. Henni
þykir gaman í skólanum. í fyrra var
hún með góðan kennara, Guðrúnn
Björnsdóttur, en hún kennir henni ekki
lengur því að maðurinn hennar er orð-
inn prestur einhvers staðar úti í sveit-
Ólöf segist lesa mikið, bæði dagblöðin
og skáldsögur. Skemmtilegasta bók
26