Æskan - 01.10.1992, Side 30

GVENDARLAUG
við Klúkuskóla
Norður á Ströndum, að húsa-
baki við byggingar Klúku-
skóla á Laugarhóli, er upp-
hlaðin, heit laug. Laug þessi var til
forna og allt fram á þennan dag not-
uð sem baðlaug af Bjarnfirðingum
en einnig af gestum og gangandi.
Eitt sinn á þrettándu öld þegar
Guðmundur biskup góði var á ferð
um Strandir var hann þreyttur af
langri göngu og tók sér þá hvíld og
bað í Klúkulaug eins og hún þá hét.
Varð honum svo gott af að bregða
sér í „heitan pottinn" eins og við köll-
um það nú að hann vígði laugina í
þakkarskyni.
Guðmundur vígði margar upp-
sprettur víða um land svo sem
Gvendarbrunna, vatnsból Reykvík-
inga. Löngum síðar hafa þeir sem
til þekkja talið þessa laug alveg ein-
staka heilsulind. Þangað hefir verið
farið með sjúkt fólk til að baða það
í lauginni en einnig hefir verið tekið
þar vatn til að gefa sjúku fólki og til
að þvo því úr vatninu.
Það var svo fyrir tveim árum að
hafist var handa um að endurhlaða
laugina í upphaflegri mynd, sem
baðlaug eins og hún vartil forna.
Skömmu eftir að þessari upphleðslu
var lokið komu góðir gestir í heim-
sókn. Það voru formaður sóknar-
nefndar Staðarsóknar en á Stað
dvaldist Guðmundur biskup oft,
sýslumaður Strandasýslu, kirkju-
málaráðherra og frú, biskup íslands
og frú og forseti íslands.
í ÖÐRUM „POTTI“
Frásögnina hér á undan skráði
Sigurður H. Þorsteinsson skólastjóri
Klúkuskóla. Því lofaði hann mér þeg-
ar ég var á ferð um Strandir í sum-
ar og heimsótti hann og Torfhildi
konu hans.
Sigurður var hvatamaður þess að
hlaða upp Gvendarlaug og einnig að
byggja ágætt baðhús við sundlaug-
ina að Klúku.
Hjá þeim hjónum voru stödd þrjú
barnabörn þeirra, Sigurður Hólm
Arnarson frá Hvammstanga, og syst-
urnar Barbara Ólöf og Teresa Maria
Vilhjálmsdóttirfrá Charlestone í Suð-
ur-Karólínu í Bandaríkjunum. Mér
fannst sjálfsagt að taka mynd af
þeim við laugina.
Við sundlaugina er sérstæður, lít-
ill „heitur pottur“. Þar er uppspretta
sem blandast volgu vatni úr læk.
Klettur umhverfis hefur verið klapp-
aðurtil og steypt lítillega í á eina hlið.
Þarna hafa sundlaugargestir og
skólanemendur löngum notið þess
að „láta líða úr sér“, hvort sem var
um sumar eða vetur.
Daginn sem ég varað Klúku sátu
þar frænkurnar Guðrún Margrét
Jónsdóttir sjö ára og Þórdís Sandra
Rósmundsdóttir sex ára. Þær eru
systradætur. Þær sögðu að sér þætti
gaman í sundi og notalegt að fara í
heitan pott.
Guðrún sagðist eiga tvö systkini,
Guðmund Rúnar átta ára og írisi
Dögg fjögurra ára. Þórdís Sandra á
litla systur, Jóhönnu, átta mánaða.
„Ég er þægasta barnið hennar
mömmu," sagði Guðrún Margrét.
„Guðmundur er alltaf með svo mik-
il læti.“
„Veistu .. að ég þoldi ekki snuð
þegar ég var lítil," sagði Þórdís
Sandra.
„Ég var aldrei með snuð. Ég var
svo lengi á brjósti; Guðmundur líka,“
sagði Guðrún Margrét.
Þær voru sammála um að þeim
þætti skemmtilegast að róla og lita
og leika sér með vinkonum sínum.
Svo kvöddumst vid...
3 0 Æ S K A N