Æskan - 01.07.1993, Blaðsíða 24

FRAMHALDSSAGA LESENDA
OF VENJULEGT - EÐA
I

*
I fimmta kafla sögunnar sá Hlíf fagra veru sem sagði að hún ein
gæti bjargað heiminum, ekki einungis jörðinni heldur alheiminum,
frá hræðilegum örlögum. Hlíf var hafin á loft af tveimur vængjuð-
um, gegnsæjum mönnum, Saldim og Kolmór.
„Við förum ekki strax til jarðarinnar,” sagði Saldim. „Fyrst
þurfum við að kynna þig fyrir ..
6. kafli
..þrautunum sem þú þarft að
standast,“ sagði Saldim.
Síðan svifu þeir með mig að
geysistórum spegli. Ef maður
hallaði sér að honum þá sá maður
til jarðar og allt í kring. Þarna
voru líka fleiri speglar sem sýndu
aðrar reikistjömur.
„Fyrst á leið okkar verður
Svartnættið. Þar máttu ekki opna
augun því að þá missirðu sjónina
samstundis. Svo komum við að
Hraunkastinu. Þar er eldfjall
Satans sem gýs í sífellu glóandi
hraunmolum. Til þess að þeir
lendi elcki á þér þarftu að ýta fast
á hringinn. Hann mun verka eins
og skjöldur sem bægir hraunmol-
unum frá þér,“ sagði Kolmór.
„En þá er erfiðasta þrautin eft-
ir,“ sögðu þeir samtímis. „Þú
munt koma að stað þar sem vind-
urinn blæs sandi á móti þér, áin
streymir í átt að þér og á einungis
70 sekúndum verður þú að kom-
ast í gegnum völundarhús þar
sem aðeins ein leið liggur að
regnboganum. Þangað verður þú
að komast en til þess að geta það
þarftu að blása á ána, öskra á
2 4 Æ S K A N
vindinn og biðja bænir í völund-
arhúsinu. Þá muntu komast að
regnboganum.“
Ég sagðist ekki vera alveg viss
um hvað ég ætti að gera því að
þetta væri svo mikið.
„Þú átt að kalla: „Hringur,
hringur, hjálpaðu mér!“ Þá mun
veran, sem þú sást fyrst, hjálpa
þér,“ sagði Saldim.
„En hvað gerist þegar ég kemst
að regnboganum?“ spurði ég. „Er
ég þá búin?“
„Þá máttu fara aftur til jarðar-
innar,“ sögðu þeir. „Þegar þangað
er komið verður þú að gera það
sem þú getur til að koma í veg
fyrir að illa aflið í heiminum, eða
Satan, nái yfirráðum. I sérhverri
manneskju býr ómæld ást. Það
þarf bara að finna hana og virkja.
Mundu að þú verður að gera það
sem þér finnst rétt. Reyndu að
efla kærleik þinn og nota hann
því að hann er sterkastur allra
afla. Vertu sæl að sinni.“
Ég lagði af stað og allt gekk
vel þar til ég missti hringinn í
ána.
Hvernig kæmist ég nú í gegn-
um völundarhúsið?
Hvemig kæmist ég heim ...?
Framhald óskast!
Kristín Laufey Steinsdóttir 13 ára,
Engjavegi 61, 800 Selfossi, samdi þenn-
an hluta - en við hann var aukið innskoti
frá Ósk Heiðu Sveinsdóttur 13 ára,
Logafold 169, 112 Reykjavík.
5. kafli var eftir Ingu Þóru Ingvars-
dóttur 14 ára, Holtsgötu 41, 101
Reykjavík. Okkur láðist að geta þess í 6.
tbl.
Höfundar kaflanna, sem birtir verða í
Æskunni, fá tvær bækur að launum. Allir
sem senda sögubrot fá eina bók - að því
tilskildu að það sé 1-1 1/2 vélrituð blað-
síða eða 2-3 handskrifaðar síður - í stærð-
inni A-4. (Velja skal af lista á bls. 60)
Framhald þarf að berast fyrir 20.
september.
Merkið bréfið þannig:
Æskan,
- Of venjulegt - eða ...,
pósthólf 523,121 Reykjavík.