Valsblaðið - 01.05.1989, Side 59

IÐKENDURNIR
YNGRI
THOR THORS
Leikmaður 3. flokks í
fótbolta
Thor Thors lék með 4. flokki síðastliðið
sumar og vann til fjölda titla. Bæði A- og B-
lið flokksins náðu stórkostlegum árangri og
vann öll mót nema íslandsmótið innanhúss.
Thor lék með B-liðinu en hann er einn af
þessum sönnu Valsmönnum sem styður fé-
laga sína þótt hann sé ekki aðalstjarnan.
Hann fylgist með A-liðinu í öllum leikjum og
hvetur félaga sína til dáða. Thor gefst aldrei
upp, herðist frekar við mótlætið og er sannur
félagi segja þeir sem til þekkja. „Ég byrjaði í
Val þegar ég var 7 ára en afi minn hét Friðjón
og hann var einn af þeim fyrstu sem lék fyrir
Val. Svo á ég bróður sem leikur með 4. flokki,
hann heitir Snorri Thors.”
Thor æfir badminton á veturna og segist
hafa gaman af en alvaran er þó meiri í fót-
boltanum. „Ég hef ekkert verið að svekkja
mig yfir því þótt ég sé ekki í A-liðinu. Ég ætla
bara að berjast áfram og vonandi kemur
minn tími seinna.”
Thor leikur yfirleitt á vinstri kantinum en
hann segist núna æfa tvisvar sinnum í viku.
Hann hlakkar til næsta sumars en um framtíð
sína sem fótboltamanns segist hann ekki geta
sagt. „Ég ætla bara að reyna að hafa gaman
af fótbolta meðan ég get. Uppáhaldsknatt-
spyrnumaðurinn er Marco Van Basten en yf-
irleitt fylgist ég vel með öllum iþróttum. Ég
fer reglulega á handboltaleiki og hef gaman
af þeim.”
Thor segist ekki hafa hugmynd hvað hann
ætli sér að læra í framtíðinni. „Ætli ég verði
ekki bara viðskiptafræðingur. Er það ekki í
tísku?”
Texti: Þorgrímur Þráinsson
Ljósmyndir: Gunnlaugur Rögnvaldsson
HELGA RUT
SIGURÐAR-
DÓTTIR
Leikmaður 3. flokks
í fótbolta
Helga Rut er 13 ára gömul en hún byrjaði
í Val fyrir rúmum þremur árum. Síðastliðið
sumar lék hún með 3. flokki og varð m.a.
markahæst á Gull- og silfurmótinu í Kópa-
vogi . skoraði 10 mörk. Valur varð í 5. sæti á
mótinu en annars eru fá verkefni fyrir þennan
aldurshóp. Þegar Helga Rut byrjaði í fótbolta
æfði hún með eldri stelpum og gerði það
nokkuð lengi. Hún var mjög ánægð með
Brynju þjálfara síðastliðið sumar og segist
hlakka til þess. að byrja aftur að æfa næsta
vor. „Annars erum við einu sinni i viku inn-
anhúss en það er ekki nóg. Ég er því stundum
í borðtennis en fótboltinn er samt ofar á
blaði. Svo fer líka dálítill tími í það að ganga
í kirkju því ég á að fermast á næsta ári.”
Helga Rut segir að það verði örugglega
töluverð viðbrigði að byrja að leika með 2.
flokki því stelpurnar þar eru víst stærri og
öflugri. „Auðvitað er það metnaður minn að
ná langt í íþróttum og takmarkið er að kom-
ast ímeistaraflokk. Nei, égámérengar uppá-
haldsfótboltakonur.”
BERGUR
EMILSSON
Leikmaður 7. flokks
í körfubolta
Bergur Emilsson er 13 ára gamall en hann
hóf að æfa körfubolta með Val 8 ára gamall.
„Frændi minn Birgir Mikaelsson leikur
körfubolta með Val og þess vegna fannst mér
íþróttin spennandi. Pabbi hvatti mig síðan til
þess að fara að æfa og ákvað ég að fara í Val
því kunningi minn var þar.”
Bergur býr í Ártúnsholtinu, er í skóla í
Laugalæk, æfir körfubolta með Val en fót-
bolta með Víkingi. Hann er því mikið á ferð
og flugi en setur það ekki fyrir sig. „Við höf-
um orðið Reykjavíkurmeistarar í körfubolta
en tvisvar lent í 2. sæti á íslandsmótinu. Mér
finnst skemmtilegast að spila bakvarðarstöð-
una og mér hefur gengið ágætlega. Um dag-
inn urðum við Reykjavíkurmeistarar með því
að vinna ÍR og KR en í fyrstu túrneringunni
lentum við í 2. sæti. Við tökum stöðugum
framförum og þetta verður sífellt skemmti-
legra. Eina sem vantar er að taka þátt í fleiri
mótum. Við mættum alveg leika fleiri leiki.
Svo æfum við bara tvisvar í viku og það er of
sjaldan að mínu mati!’
Bergur stefnir að því að komast sem fyrst
í meistaraflokkinn en hann heldur mest upp
á Tómas Holton sem leikur nú í Ungverja-
landi. „Ég fylgist lítið með NBA-deildinni en
finnst Michael Jordan rosalega góður.”
Það eina sem Bergur kvartaði undan var
hversu fáir æfðu með 7. flokki. „Við erum
varla nema 12 í heildina en það þyrftu fleiri
að æfa!’
59