Afturelding - 01.01.1986, Blaðsíða 10

heimssjónvarp — biblíuleg tákn Alheimssjónvarp
komast undan þessum her. Her-
mennirnir hræðast ekki þótt
skotið sé á þá, þeir fara inn um
glugga borgarinnar sem þjófar.
Þeir fullkomna verkið, sem
þeim er ætlað, enda fer Guð fyrir
þeim.
Bendir eitthvað til þess að her-
inn sé að verða til á okkar dög-
um? Já, við stöndum á þröskuldi
nýrra tækifæra til að útbreiða
fagnaðarerindið um Jesú Krist
hindrunarlaust. Herförin mikla
verður farin með hjálp sjón-
varpsgeislans, inn um „sjón-
varps“glugga borganna. Hvem
dag kemur fjöldi fólks í heim-
sókn í sjónvarpsherbergi heimil-
anna, börn og fullorðnir fylgjast
með hverju orði og gjörð þessa
fólks af áhuga. Skammt er þess
að bíða að hermenn Krists komi
og seðji andiegt hungur þjóð-
anna á þennan hátt.
Þjóðir heimsins eru á andlegri
eyðimerkurgöngu og hungrar
eftir friði, öryggi og framtíð. Þær
hungrareftir andlegu manna.
Manna þýðir himneskt brauð
og öll þróun í fjölmiðlamálum
sýnir að Guð er að undirbúa að
senda manna, -fagnaðarerindið
um Jesú Krist-, af himnum ofan
yfir alla heimsbyggðina. Jesús er
hið himneska brauð lífsins, sem
einn megnar að seðja hungur
þjóðanna. Hinir kristnu hafa
það hlutaverk að taka þátt í út-
deilingu himneska brauðsins.
Það verður hlutverk hersins.
Herinn verður deildaskiptur og
hermennirnir úr hópi allra
þeirra, sem frelsaðir eru fyrir
blóð Jesú Krists, - úr hinum
ýmsu kirkjudeildum. Þótt hern-
um sé skipt í herflokka, er hann
einn frammi fyrir Drottni og
Drottinn fer fyrir honum og
nöfn hermanna eru innrituð í
Lífsinsbók.
Nú er unnið markvisst að út-
breiðslu fagnaðarerindisins í
boðunarstarfi á ýmsum sviðum,
í blöðum, bókum, útvarpi og
stór verkefni eru hafin á sviði
sjónvarps. Fjöldinn allur af
kristilegum sjónvarpsstöðvum er
starfræktur, einkum í Bandaríkj-
unum og þeim fjölgar óðum í
Evrópu. Markmið alls þessa
starfs er að hlýða skipun Jesú
Krists um að gera lærisveina af
öllum þjóðum.
Það er ljóst að samHiða sjón-
varpstrúboði sem er fyrst og
fremst sáning, verður að fylgjast
að ákaflega öflugt uppskerustarf
safnaðanna. Þeirra starf er
ákaflega mannfrekt og viðamik-
ið á allan hátt. Það er safnað-
anna að taka á móti því fólki
sem vill frelsast. Þeir verða að
leiða það fyrstu skrefin, hlúa að
því, fræða og uppbyggja. Það
verður hlutverk þitt sem læri-
sveins Jesú að biðja fyrir manni
eða konu í neyð. Þú verður að
geta bent á hvernig Guð mætti
þér. Einnig að fræða um Guðs
orð og leiðbeina nýjum trúsyst-
kinum. Þarna koma heimakvöld
og samfélagshópar að ákaflega
miklu gagni.
Hvernig á trúað fólk að undir-
búa sig fyrir þessa þjónustu?
Með því að ástunda bænir og
biblíulestur, stunda samfélagið
og brotningu brauðsins. Einnig
að sækjast eftir krafti og skím
Heilags anda. Heilagur andi er
hjálparinn, sem Jesús sendi okk-
ur til hjálpar, eftir að hann steig
til himins.
Það er blásið í herlúðra og her
Krists kallaður til þjónustu. Ætl-
ar þú að verða með? j
í Opinberunarbók Jóhannesar
er sagt frá engli, sem flýgur um
miðhimininn. Þessi engill hélt á
eilífum fagnaðarboðskap til að
boða þeim, sem á jörðinni búa.
Boðskapurinn er þessi: ,,Óttist
Guð og gefið honum dýrð, þvi að
komin er stund dóms hans og
tilbiðjið hann, sem gjörl hefur
himininn og jörðina og hafið og
uppsprettur vatnanna."
Jesús sagði: „Þessi fagnaðar-
boðskapur um ríkið mun pred-
íkaður verða um alla heims-
byggðina, lil vilnisburðar öllum
þjóðum og þá mun endirinn
koma. “ (Matteus 24:14).
Það sem hér hefur verið fjallað
um er kjarni þeirra atburða er
einkenna endalok þessa tíma og
endurkomu Jesú Krists. Menn
kalla þessa tíma oft „hina síð-
ustu og verstu" og það er rétt.
Það er andlegt hungur hjá fólki,
leitað er saðningar á skökkum
stöðum og í sprungnum brunn-
um, samt fæst ekki saðning.
Hinn mikli undirbúningur,
sem nú er unninn að því að út-
breiða fagnaðarerindið í sjón-
varpi, er tákn þess að endur-
koma Jesú standi fyrir dyrum.
Engillinn, sem Opinberunar-
bókin talar um, er sendiboði
(engill merkir sendiboði) og get-
ur eins staðið fyrir gervihnatta-
netið í miðhimninum - beint yfir
miðbaug jarðarinnar. Nú þegar
eru hlutar netsins notaðir til að
miðla fagnaðarerindinu og
skammt er þess að bíða að jörðin
öll verði í sjónmáli sjónvarps-
geislanna.
Eftir skamma hríð verður
hlutverki hersins lokið.