Afturelding - 01.01.1986, Blaðsíða 22

Sandi Patti kom fyrst fram á
sjónarsviðið fyrir rúmum fimm
árum. Frá því hefur hún hljóð-
ritað nokkrar metsöluplötur,
sungið fyrir hundruð þúsunda
áheyrenda, fengið sjö Dove-
verðlaun, þrívegis verið tilnefnd
til Grammy-verðlauna og hlotið
þá eftirsóttu viðurkenningu einu
sinni.
Velgengni Sandi Patti er þó ekki
mæld í verðlaunum eða fjölda
seldra hljómplata, hversu
glæsileg lesning sem það kann að
vera. Ástæða þess að milljónir
kristinna áheyrenda hafa tekið
þessari ungu söngkonu tveim
höndum er að söngur hennar
snertir við hjörtum þeirra.
Henni er af Guði gefin ákaflega
góð söngrödd og hún syngur af
einlægni og trúartrausti, sem
geislar frá henni jafnt á sviði og
utan þess. Sandi Patti flytur
fagnaðarerindið í söngvum, sem
einkennast af yfirfljótandi gleði.
„Alla ævi hef ég reynt að leyfa
Drottni leiða mig í ákvörðunum
og gjörðum. Ég hef komist að
því að ef ég geri það sem hann
fær mér dag hvern og ég er
trúföst við Orðið hans, þá er ég
ánægð í vilja Guðs,“ segir Sandi
Patti.
Sandi er dóttir söngtrúboða og
hún var aðeins átta ára gömul
þegar hún gaf líf sitt Guði.
Sönghæfileikar hennar komu
fram á unga aldri og hún tók
snemma virkan þátt í
söngferðalögum foreldra sinna
og tveggja bræðra.
Hún lauk háskólanámi og ætlaði
að verða kennari, í háskólanum
kynntist hún manni sínum John
Helvering. Hann hvatti hana til
að gera hljómplötu fyrir sjálfa sig
og vini sína. Þessi plata barst
forráðamanni hljómplötuútgáfu
einnar í hendur og hann hringdi
til Sandi Patti og bauð henni
samning. Hún sagðist vera að
fara að gifta sig eftir nokkra daga
og bað hann að hringja seinna.
Hann hringdi tveim mánuðum
síðar og Sandi Patti tók boði
útgefandans.
„Mig dreymdi aldrei um að ég
færi þá braut, sem ég er á. Við
John fórum í stutta
hljómleikaferð um Kaliforniu
1980 og þá komumst við að því
að tónlistin var að verða meira
en tómstundagaman. Við
sögðum Drottni að væri það
hans vilji að við helguðum
okkur þessu sviði, værum við
tilbúin." Vilji Guðs staðfestist er
Bill Gaither (þekktur höfundur
og söngvari) hringdi og spurði
hvort Sandi Patti vildi ferðast
með sönghóp hans og syngja
bakraddir. „Ég lærði svo margt
af þeim“, segir Sandi Patti. „Þau
kenndu mér að þjóna fólkinu“.
Sandi gerði hverja hljómplötuna
á fætur annarri og viður-
kenningarnarog verðlaunin