Afturelding - 01.01.1986, Blaðsíða 26
Þórdís Jóhannesdóttir
F. 14.10.1913
D. 15.11.1985
Þórdís Jóhannesdóttir leit
dagsins ljós að Stóra-Dunhaga í
Hörgárdal, Eyjafirði. Þar sleit
hún bamsskónum í stórum syst-
kinahóp. Þegar Þórdís var ung
að árum andaðist móðir hennar.
Markaði það djúp spor í líf Ijöl-
skyldunnar. Þá strax fékk Þórdís
að nema alvöru lífsins og gerði
sérgrein fyrir því að henni mætir
maður ekki óstuddur. Þá er best
að reiða sig á náð Guðs í Jesú
Kristi.
Þórdís giftist ung Óskari Þor-
steinssyni bifreiðastjóra frá Vest-
mannaeyjum. Þau hófu búskap í
Reykjavík en fluttu fljótlega til
Vestmannaeyja og stóð heimili
Vestmannaeyjum
þeirra þar alla tíð síðan, að und-
anteknu gosárinu. Eignuðust
þau tvo syni, Viðar og Jóhannes,
sem báðir eru rafvirkjar og bú-
settir í Vestmannaeyjum. Þau
hjón voru samhent. Óskar var
um áratugaskeið bifreiðastjóri
hjá Hraðfrystistöð Vestmanna-
eyja. Þurfti hann oft að leggja
nótt við dag, þegar aflahrotur
stóðu í Eyjum. í heimilinu átti
hann skjól og vé. Þórdís var
framúrskarandi húsmóðir og
gætti stöðu sinnar með tign og
sóma.
í maímánuði 1945 tók Þórdís
afstöðu með Betelsöfnuðinum í
Vestmannaeyjum og var þar
virk í rösk fjörutíu ár. Þórdís var
ákaflega mikilvægur meðlimur í
söfnuðinum. Hún var alla tíð
með af lífi og sál og mjög jákvæð.
Það skipti ekki máli hvort þrífa
þurfti kirkjuhúsið í Betel, ganga
út með blöð Hvítasunnumanna
eða sækja almennar samkomur.
Hún var alstaðar til heiðurs og
sóma. Þórdís átti mikið djúpt og
heilagt bænalíf með Drottni,
þess konar líf sem alltof fáir
eignast. Það lifði með henni svo
lengi sem ævin entist.
Á raunastundu lífs míns kom
Þórdís sem hjálpandi engill fyrir
mig og börnin mín. Fyrir það
stend ég í ævilangri þakkarskuld
við hana.
Nú, þegar Þórdís er farin heim
til Drottins, sjáum við á bak
mikilhæfri konu. Tómarúmið er
mikið hjá eiginmanni og öllu
hans húsi. Með þessum Iínum
sendi ég Óskari innilegustu
kveðjur í Jesú nafni.
Björt og fögur minning Þór-
dísar Jóhannesdóttur lifir meðal
okkar.
Einar J. Gíslason.
Guðbjörg Jónasdóttir
F. 1.8.1893
D. 12.1.1986
Guðbjörg heitin var fædd að
Kistu, Vatnsnesi og jarðsungin
frá Vesturhópshólakirkju
18.1.1986.
frá Sellandi
Lífshlaup hennar var bundið
við Vatnsnes í V-Húnavatns-
sýslu. Stóð heimili hennar lengi
að Sellandi og síðustu árin að
Syðri-Þverá. Hún giftist aldrei
og eignaðist ekki afkomendur.
Guðbjörg var mikil dugnaðar-
kona, sjálfstæð í hugsun, orði og
verki.
Þegar Guðbjörg fermdist kom
Heilagur andi yfir hana og vígð-
ist hún þar með Jesú Kristi.
Guðfræði hennar og trú var Jes-
ús, hún lifði og starfaði eftir því.