Muninn - 01.05.1963, Síða 26

ekki ætluðu heim, gefið frí (aðrir voru
farnir).
Föstudag 12. marz kom hingað hljóm-
sveit frá menntaskólanum í Vásterás, vina-
bæ Akureyrar. Svíarnir héldu hér tónleika
og var frábærlega vel tekið. Einnig léku
þeir í setustofunni hvenær sem færi gafst.
15. marz var haldinn dansleikur í setu-
stofunni fyrir Svíana og er þaðan runnið
orðtakið „at danse pá svensk máde“.
Kennsla hófst svo að nýju 17. apríl kl. 8
að morgni og vantaði þá um það bil þriðj-
ung nemenda og kennara. Hringt var á
söngsal kl. 10,30 og síðan gefið frí.
Huginn hélt málfund þann sama dag.
Rætt var um félagsmál í skólanum. Þráinn
Þorvaldsson hafði framsögu. Auk hans létu
frambjóðendur við kosningar í formanns-
stöðu Hugins talsvert á sér bera.
Aðalfundur Hugins var haldinn á Sal
fimmtudaginn 18. apríl. Fundarstjóri var
skipaður Þráinn Þorvaldsson. Fékk hann
þó ekki að stjórna öðru en sjálfum sér í
það skiptið. Eftir að menn höfðu greitt
atkvæði um ýmsar stöður, hóf Gunnar for-
maður lestur á fyrirhuguðum lagabreyt-
ingum. Er hann hafði lokið þeim lestri voru
60 manns eftir á Sal. Greiddi 41 maður at-
kvæði með lagabreytingunum og 7 á móti.
Loks sakar ekki að geta þess, að Björn Páls-
son náði kosningu sem formaður Hugins
og Friðrik Þórleifsson var kosinn ritstjóri
Munins. Árnum við þeim allra heilla í starf-
inu.
Bókmenntakynningarnefnd gekkst fyrir
kynningu á leikriti EUGENE IONÉSCOS
„Sköllóttu söngkonunni" þann 19. apríl.
Leikritið var lesið af sviði, og hafði Karl
Guðmundsson verið fenginn til að leið-
beina upplesurum, en þeir voru: Rögnvald-
ur Hannesson, Katrín Friðjónsdóttir, Brynj-
ar Viborg, Helga Jónsdóttir, Kristinn Jó-
hannesson, Stefanía Arnórsdóttir og Gunn-
ar Rafn, sem var kynnir. Hér var um að
ræða frumflutning á þessu verki. Urn 130
manns munu hafa sótt kynninguna.
Auk þess var leikritið flutt í Borgarbíói
sunnudaginn 21. apríl kl. 22.30 við lélega
aðsókn.
Dimission var haldin laugardag 20. apríl.
Skemmtunin var að sögn vel heppnuð.
Carmina kom út að morgni 20. apríl. Var
hún sæmilega vel úr garði gerð, þó sögðu
gárungarnir að Carminunefnd væri að
þessu sinni skipuð anti-húmoristum.
Gambri leit dagsins ljós í annað sinn á
þessum vetri hinn 22. þessa mánaðar. Blað-
ið var nú prentað og einkar vel úr garði
gert. Væri það óskandi að hann gæti haldið
áfram á þessarri braut.
Lýkur svo þessu spjalli
Jóhann Heiðar
HNEKLA
Hví yrki ég ekki fagnaðarsöng, sem allir
vilja heyra?
Ég er hræddur.
Hræðist örlög mín, barnanna og blómanna,
sem vaxa úti í garðinum.
Sprengjurnar hafa enn ekki verið eyðilagð-
ar.
Ég er hræddur, og ég elska blómin og börn-
in og vil ekki, að þau afmáist af jörðinni
Sprengjurnar hafa ekki verið eyðilagðar.
Friðardúfan er kannski lituð kráka.
Fólkið vill ekki vita þetta og hlustar því
ekki á mig.
Eyðileggið sprengjurnar og þá skal ég yrkja
fagnaðarsöng.
Sem allir vilja heyra.
M. M.
106 MUNINN