Kirkjuritið - 01.02.1938, Page 22
60
B. K.: Um útburð barna í fornöld Febrúar.
þess, ef þeim liefir tekist að ala upp börn sín og gera
úr þeim góða og' nýta menn, þótt þau bafi mikið á sig
lagt. í hinni ungu kynslóð bíður von framtíðarinnar.
Þessvegna blessaði Kristur ungbörnin. Þessvegna heldur
kristin kirkja fæðingarhátíð hans sem barnahátíð, og
blessar og þakkar þann anda mildi og mannúðar og
fórnfýsi, er hann vakti í sál og samvizku mannkynsins.
Benjamín Kristjánsson.
DÓMUR S JÁL ANDSBISKUPS
UM OXFORD-HREYFINGUNA.
Nýlega birtist i dönsku blaði viðtal við Fuglsang-Damgaard
Sjálaiidsbiskup um Oxford-hreyfinguna. Honum farast m. a.
þannig orð:
„Menn segja ósjaldan, að þetta sé ekki annað en siðgæðis-
hreyfing; en þó svo væri, þá væri hún engu að siður ómetan-
lega mikils virði. Vér þráum siðbót og höfum ekki ráð á því
að hafna neinni hjálp. Kristilegt siðgæði lieyrir einnig krist-
indóminum til og er einn meginþáttur hans .... Leiðirnar
til kristindóms eru margar; sumum er kallið á siðbót upphaf
vegarins, kallið að segja skilið við lestina, leynda og opinbera
.... kallið að lifa nýju samlífi og heimilislífi .... kallið að
stríða við öll niðurrifsöfl rotnunarinnar hjá sjálfum sér og
öðrum, á láði og i lundu. Að þessu vill Oxfordhreyfingin vinna.
Nokkurir hafa ef til vill látið staðar numið við þetta. En það
er gleðilegt, að þeir eru komnir inn á þessa braut, og hún liggur
áfram. Það fer oss öllum svo, sem hreyfingin hefir veitt nýtt líf,
að vér göngum kirkjunni á hönd.
Ég segi við hreyfinguna með öllum þeim sannfæringarþrótti,
sem ég á til: Söfnumst saman um Krist og kross hans. Kærleik-
urinn fellur aldrei úr gildi. Kærleiki Krists opnar leiðir hvar-
vetna. Kærleiki Krists byrgir aldrei sjálfan sig inni, heldur brýzt
út til þess að verða ljós heimsins og salt jarðarinnar .... Svo
fer og öllum kristnum mönnum“.