Kirkjuritið - 01.01.1955, Blaðsíða 45

Kirkjukórasöngmót á Austurlandi.
Hinn 29. september síðastliðinn var haldið kirkjukórasöng-
mót á Reyðarfirði.
Þrír kirkjukórar úr Suðurmúla-prófastsdæmi sungu á mót-
inu, fyrst sjálfstætt, en svo síðast allir kórarnir saman, og var
sá kór um 70 manns.
Þessir kórar tóku þátt í söngmótinu. Kirkjukór Búðasóknar,
Fáskrúðsfirði, organisti Elínborg Gunnarsdóttir, Kirkjukór
Eskifjarðar, Eskifirði, organisti Guðríður Guðnadóttir, Kirkju-
kór Búðareyrarkirkju, Reyðarfirði, organisti Bergþór Þorsteins-
son. Söngstjóri söngmótsins var Eyþór Stefánsson og stjórnaði
hann öllum kórunum.
Söngmótið hófst með almennum söng, og sungu allir við-
staddir sálminn „Ó, syng þínum drottni". Var það mjög áhrifa-
mikið og hrífandi. — Þar næst flutti séra Ingi Jónsson, prestur
í Neskaupstað, stutta ágæta ræðu, að henni lokinni sungu svo
allir „Faðir andanna". Síðan sungu kórarnir hver á eftir öðr-
um sjálfstætt, sín þrjú lögin hver, og svo að síðustu allir sam-
eiginlega fimm lög. — Elínborg Gunnarsdóttir og Bergþór
Þorsteinsson aðstoðuðu með orgelundirleik.
Áður en síðasta lagið var sungið, ávarpaði söngstjóri söng-
fólkið og áheyrendur. Fór hann lofsamlegum orðum um sam-
starfið við söngfólkið, áhuga þess og dugnað og þann góða
árangur, er náðst hefði á svo skömmum tíma, sem, eins og
hann komst að orði, væri söngfólkinu að þakka en ekki sér,
hve vel hefði tekizt.
Þar næst las séra Ingi Jónsson upp tvö símskeyti, er borizt
höfðu, annað frá Sigurði Birkis, söngmálastjóra, en hitt frá
Kirkjukór Sauðárkróks. — Að lokum sungu allir kórarnir þjóð-
sönginn.
Á eftir hljómleikunum bauð kirkjukór Búðareyrarkirkju
söngfólkinu og fleirum til kaffidrykkju, og voru þar framreidd-
ar veitingar af mikilli rausn og höfðingsskap. — Jón Kerúlf