Kirkjuritið


Kirkjuritið - 01.02.1955, Blaðsíða 10

Kirkjuritið - 01.02.1955, Blaðsíða 10
56 KIRKJURITIÐ Þá ræðir biskup um kirkjur og kirkjugarða og það, hve góð hirða og umgengni getur valdið miklu. Loks leggur hann í fjórum stuttum köflum út af einu meginefni: Kirkjan á að vera „Krists kirkja“: Kirkjan lifandi samfélag, Fagnaðarboðskapur. Kærleiksleið. Boðun Krists. Vil eg birta hér einn kaflann. „Fagnaðar- Kirkjan á að vera Krists kirkja. boðskapur. Af því leiðir, að boðskapur vor allra til safnaðanna verður að vera fagnaðarboðskap- ur í líkingu við boðskap hans. Á það vil ég leggja megin- áherzlu. Ef til vill finnst. einhverjum óþarft að taka þetta fram. En því fer fjarri, að svo sé. Þegar Nathan Söderblom ritar hirðisbréf sitt, ávarpar hann prestana með þessum orðum Páls postula í II. Korintubréfi 1, 24: „Ekki svo sem vér drottnum yfir trú yðar, heldur erum vér sam- verkamenn að gleði yðar.“ Síðan nefnir hann ýmsa staði i Nýja testamentinu, sem sýna það, hve ríkur þáttur gleðin hefir verið í kenningu frumkristninnar og sérstak- lega í kenningu Krists sjálfs. Svo mikil fagnaðarhátíð er runnin upp með komu hans í heiminn, að hann líkir henni við brúðkaup og spyr: „Hvort geta brúðkaupssveinarnir fastað, á meðan brúð- guminn er hjá þeim?“ Og í skilnaðarræðunni segir hann við lærisveina sína: „Þetta hefi ég talað til yðar, til þess að fögnuður minn sé hjá yður og fögnuður yðar full- komnist. ... Hjarta yðar mun fagna, og enginn mun taka fögnuð yðar frá yður.“ Þessarar áminningar, að boðskapur vor sé fagnaðar- boðskapur, er engu minni þörf nú en á tímum frum- kristninnar. Nema fremur sé. Því að hörmungar heims- styrjaldarinnar hafa myrkvað hamingju mannkynsins og jafnvel haft þau áhrif á kirkjuna, að margir starfsmenn hennar hafa orðið svartsýnir á gildi mannsins, talið eðli

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.