Kirkjuritið - 01.02.1955, Blaðsíða 39

STARF FYRIR SJÚKA
85
þar vinna Reykjavíkurprestarnir mikið og óeigingjarnt starf,
þrátt fyrir miklar annir aðrar, sem prestsembættið heimtar
af þeim.
I nágrannalöndum vorum hefir mikið verið rætt á síðari
árum um nauðsyn sjúkrahússpresta, sem eingöngu störfuðu
fyrir hina sjúku og hefðu sérmenntun í þeim efnum. Sums
staðar hefir þá líka verið stofnað til slíkra embætta og þykir
gefast vel. Um þetta er byrjað að ræða hér og fyrst og fremst
með tilliti til Reykjavíkur. Það er vissulega ekki gert af van-
þakklæti til prestanna hér né af því, að þeim sé á nokkurn
hátt vantreyst, heldur af hinu, að með því ástandi, sem er,
má telja þeim ofþyngt með starfi. En það sjá allir, hvílík
nauðsyn er á því að slíkt embætti verði myndað hið bráðasta.
Á ég þá við, að sjúkrahússpresturinn verði fastur starfsmaður
við Landsspítalann og önnur sjúkrahús bæjarins og hefði þar
góð starfsskilyrði, en nú eru þau mjög frumstæð. Þó að ís-
lenzkir prestar séu ávallt velkomnir á Landakot, veit ég ekki,
hvort þeim yrði gefið þar nokkurt afdrep fyrir starfsemi
sína, ef til væri leitað. Þó að sjúklingarnir, sem þar liggja,
séu mótmælendur, er ég ekki viss um að kaþólska trúboðið
kærði sig um öllu víðara starf íslenzkra presta í sínum eigin
húsum en nú er. En hvað snertir Landsspítalann, þykir mér
rétt að geta þess, að farið hefir verið fram á af félagi Samtaka
Presta og lækna, að byggð verði kapella í nýju byggingunni.
hað hefir ekki mætt andstöðu, en þeirri málaleitun verið
svarað með skilningi. í nýju byggingunni eiga að verða tvær
skólastofur og hefir verið boðið, að nota megi þær jafnframt
fyrir guðsþjónustur, en ákjósanlegast teljum vér fullkomna
hapellu, sem eingöngu væri notuð sem kirkja. Þá er og boðið
UPP á, að prestur sjúkrahússins fái aðsetur í stofum yfirlæknis
akveðna tíma á viku, og þó að ekki geti það talizt fullkomin
lausn, er hún samt mjög viðunandi. Hvað snertir Bæjarsjúkra-
húsið, verður þar kapella, en einungis í sambandi við líkhúsið
°g þannig sett, að hana verður ekki hægt að nota sem sjúkra-
hússkirkju. En eftir því sem borgarstjórinn og byggingameist-
arinn hafa tekið í það mál, að byggja sérstaka kapellu fyrir
sJukrahúsið, er frá þeim að vænta skilnings og jafnvel stuðn-
lngs, en ennþá hefir þetta ekki komið til álits byggingarnefnd-
urinnar. Þá skal þess getið, að í sambandi við heilsuverndar-