Kirkjuritið - 01.02.1955, Blaðsíða 32

Séra Björn O. Björnsson sextugur,
Séra Björn O. Björnsson er
fæddur í Kaupmannahöfn 21. jan.
1895, sonur hins kunna prentmeist-
ara og bókaútgefanda á Akureyri,
Odds Björnssonar, og konu hans,
Ingibjargar Benjamínsdóttur.
Hann lauk stúdentsprófi í
Menntaskólanum í Reykjavík 1913.
Fór þá til Kaupmannahafnarhá-
skóla, lauk prófi í forspjallsvísind-
um þar 1914, tók að nema náttúru-
fræði og landafræði og lauk fvrri
hluta kennaraprófs í þeim fræðum
1917. Eftir það hvarf hann heim
til ættjarðarinnar og lauk embætt-
isprófi í guðfræði í Háskóla íslands 1921. Gerðist hann þá um
hríð stundakennari við skóla í Reykjavík. Árið 1922 varð hann
prestur í Þykkvabæjarklaustursprestakalli til 1933, er honum
var veitt Brjánslækjarprestakall. Sagði hann af sér 1941 og
gaf sig alveg að ritstörfum, m. a. síðara flokki tímaritsins
Jarðar. Árið 1946 var honum veitt Hálsprestakall, sem hann
hefir þjónað síðan.
Séra Björn hefir ávallt þráð að rita, og liggur eftir hann
mikið af greinum og ritum, þó að hér verði ekki talið. Hann
gaf út tímaritið Jörð 1931—34 og síðari flokk þess tímarits
með miklum krafti og mjög fjölþætt rit árin 1940—46. Auk
þess má nefna hina fögru og áhrifamiklu bók um Vestur-
Skaftafellssýslu. Enn fremur þýddar bækur o. s. frv.
Kona séra Björns er Guðríður Vigfúsdóttir frá Flögu í Skaft-
ártungu og eiga þau tvo syni og þrjár dætur.
Séra Björn er gæddur fjölþættum og sérkennilegum gáfum,
heimspekilega hugsandi og brýtur huga sínum nýjar leiðir.
Hann er fullur af þrá eftir að fræða lýðinn með riti og ræðu.
Kirkjuritið árnar honum heilla á þessum afmælisdegi.
M. J.