Kirkjuritið - 01.02.1955, Blaðsíða 46

92
KIRKJURITIÐ
hætti, að ósjálfrátt koma manni í hug hinir fornu klaustur-
skólar. Hér í sumarskólanum að Löngumýri hafa verið kennd
kristin fræði, trúariðkanir ræktar, kenndur söngur, hannyrðir
og matreiðsla og kynntar íslenzkar bókmenntir, en jafnframt
hafa nemendur stundað skógrækt og garðyrkju, iðkað íþróttir,
sund, knattleik og dans, og farið skemmtiferðir til merkisstaða
í nágrenninu. Kvöldið áður en skólanum var slitið, voru nem-
endur og kennarar til altaris í Glaumbæjarkirkju.
Alls sóttu skólann 32 ungar stúlkur, flestar á aldrinum 15
—17 ára, 11 þeirra voru allan tímann, en hinar skemur, all-
margar í sumarleyfum sínum, 10—12 daga. 23 námsmeyjar
voru samtímis, þegar flest var. Skólalífið var glatt og frjálslegt,
og virtust ungmeyjarnar una sér hið bezta í sveitinni, en þær
voru flestar úr hinum stærri bæjum landsins.
Hið ágæta kennaralið skólans voru sjálfboðaliðar, sem munu
hafa starfað fyrir litla eða enga þóknun. Þrír þeirra störfuðu
allan tímann, auk forstöðukonunnar, Ólafur Skúlason, guðfræði-
nemi, er kenndi kristin fræði og bókmenntir, annaðist kvöld-
og morgunbænir, sá um útiíþróttir og prédikaði í kirkjum þeim,
sem heimsóttar voru (Hólar, Víðimýri), Björg Jóhannesdóttir,
sem kenndi handavinnu, en hún er handavinnukennari Löngu-
mýrarskóla, og Sigurður Ólafsson, garðyrkjumaður, er kenndi
skóggræðslu og garðsnyrtingu. Aðrir kennarar voru skemur.
Söng kenndu í hálfan mánuð hvert Sigurður Birkis, söngmála-
stjóri, og söngkennararnir Guðmundur Matthíasson og Guðrún
Þorsteinsdóttir í Reykjavík. Matreiðslu kenndu frú Guðbjörg
Birkis og Gerður Jóhannesdóttir húsmæðrakennari á Laugar-
vatni. Þjóðdansa kenndi frú Rannveig Löve, kennari í Reykja-
vík, og Steingrímur Benediktsson, kennari í Vestmannaeyjum,
kenndi kristin fræði í byrjun skólatímans.
Dvalarkostnaður námsmeyja var 27 krónur á dag.
Vonandi verður þessi tilraun til að reka kristilegan sumar-
skóla upphaf að miklu og merkilegu kristilegu starfi æskulýð
landsins til heilla og blessunar.
Húsmæðraskólinn að Löngumýri hefir nú starfað í 10 ár við
góðan orðstír og jafnan verið fullsetinn. Síðastliðinn vetur var
fæðisgjald námsmeyja kr. 11,25 á dag, en kostnaður þeirra
allur í 7 mánuði kr. 4300,00, þar með talið handavinnu og vef jar-
efni. —jón.