Kirkjuritið - 01.03.1955, Blaðsíða 38

132
KIRKJURITIÐ
frá Magdala, hafi jafnvel haft ekki ósvipaða merkingu,
eins og þegar eitt sinn var hér talað um „eina úr síldinni".
2.
Ein þessara kvenna, er fengu Magdalenu-nafnið, hefir
komizt í röð frægustu kvenna veraldarinnar, og eftir henni
hafa milljónir kvenna hlotið nafn og fjöldi stofnana verið
eftir*henni heitinn. Svo fagurt og skínandi hefir þetta
nafn orðið, að skáld og listamenn hafa nálega blindazt
og keppzt um að vefa því skart sitt öld fram af öld, og
mannvinir, bæði karlar og konur, hafa unnið starf sitt
undir þess heillastjörnu.
Svo virðist, sem einmitt ,,Magdalenan“ í þessari konu
hafi fært henni gæfuna, því að synd hennar og veikleiki
hefir knúið hana á fund Jesú. Það skar úr.
María hét hún. Það var mjög algengt nafn á Gyðinga-
landi, eins og sjá má af því, að af þeim örfáu konum, sem
guðspjöllin nefna, eru 5 eða 6 Maríur. Talan verður ekki
vituð með vissu, því að ekki er gott að segja til dæmis
hver María „hin“ er, eða hvort ef til vill er átt við sömu
konu, þótt mismunandi sé nefnd.
Þessar Maríur eru nefndar í Nýja testamentinu:
1. María, móðir frelsarans. Um hana er ekki að villast,
því að hún er jafnan kynnt sem móðir Jesú. En ef til vill
hafa fáir athugað, hve sjaldan hún er nefnd. I Jóhannesar-
guðspjalli er hún alls ekki nefnd, svo að ef vér ættum það
guðspjall eitt, væi’i nafn hennar ókunnugt. Aftur á móti
getur það guðspjall tvisvar sinnum um föðurnafn Jesú.
1 hinum guðspjöllunum er hún aðeins nefnd einu sinni
utan æskufrásagnanna (Mark. 6, 3, hliðstætt Matt. 13, 55).
1 Post. 1, 14 er hún nefnd.
2. María, systir Mörtu og Lazarusar í Betaníu (Lúk.
10, 39; Jóh. 11. og 12. kap.).
3. María, móðir Jakobs litla, móðir Jóse eða „María
hin“. Hvort hér er um eina eða fleiri að ræða er ekki