Kirkjuritið - 01.03.1955, Page 47

MAGDALENA
141
7.
Iiér hefir þá verið drepið á þessar frásagnir, er til greina
koma, og nokkrir þræðir dregnir saman, nótin dregin að
því, að allt sé sama konan, María Magdalena, María systir
Mörtu og bersynduga konan í 7. kapítula Lúkasarguð-
spjalls.
Katólska kirkjan hefir þetta fyrir satt, og kirkjufeður
geta þess, þó ekki allir með sama hætti. Hér eru vitanlega
engar „sannanir" á ferð, enda ekki von á þeim. En tölu-
verðar sögulegar líkur styðja þessa skoðun.
1. Bersynduga kónan smyr fætur Jesú í húsi nálægt
Magdala. María hefir verið ,,bersyndug“ kona, kennd við
þá sömu borg, en öðlazt nýtt líf fyrir kraftaverk af Jesú
hendi. Kemur þetta heim.
2. Undarleg aðferð Maríu, systur Mörtu, við smurn-
inguna í Betaníu, skýrist bezt með því, að þar sé nokkurs
konar endurtekning hins viðburðarins af hendi sömu konu.
3. Kynning Maríu í sögunni af uppvakningu Lazarusar
er nálega tilvitnun í hinn viðburðinn.
4. Staða Maríu á heimilinu kemur vel heim við það,
sem vænta mátti af Maríu Magdalenu, svo og aðferð henn-
ar öll og innræti.
Það er og kostur, að hér er ekki um neinar ýkjur né
helgisagnamyndun að ræða, heldur eingöngu samstillingu
guðspjallafrásagnanna sjálfra. Móti því mælir í raun og
veru ekkert.
Hitt látum vér svo liggja milli hluta, sem skáldin hafa
spunnið um þetta efni.
>k
Séra Árni Sigurðsson
hefir verið settur prestur í Hofsprestakalli í Skagafjarðar-
prófastsdæmi til næsta vors.
Gjöf til Sauðanesskirkju.
Séra Þórður Oddgeirsson prófastur hefir nýlega gefið Sauða-
nesskirkju tvo fagra altarisstjaka til minningar um konu sína,
frú Ragnheiði Þórðardóttur.