Kirkjuritið - 01.05.1956, Side 36

KRISTNIR ÁHRIFAMENN
3
Ptus páfi 12.
Að tali kaþólskra manna er hann 262. Rómarbiskup, og á þá
Pétur postuli að hafa verið sá fyrsti. Þetta er hæpin sagnfræði.
Hitt er áreiðanlegra, að Píus 12. verður lengi í minnum hafður
fyrir margra hluta sakir, og ekki er annar andlegur höfðingi nú
valdameiri. Fáir eða engir veraldlegir heldur. Áhangendur hans
eru taldir 458,6 milljónir.
Hann heitir fullu nafni Eugenio Maria Giuseppi Giovanni
Pacelli. Fæddist í Ponte, útborg llómar við Tiber. Faðir hans
var lögfræðingur í þjónustu páfastólsins, dável efnaður. Eugenio
gekk fyrst í einkaskóla. Snemma bar á því, að hann væri hneigður
til málanáms og sagnfræði. Talar nú reiprennandi 7 tungumál
og er undrafróður um margs konar menn og málefni. Fyrstu
messu sína söng hann í Maggiorekirkju í Róm á páskum 1899.
Hafði höfuðbiskupinn í Antiokkiu vígt hann daginn áður.
Gasparri kardínáli, sem þá var nokkurs konar aðstoðarkirkju-
málaráðherra páfastólsins, leizt þessi ungi klerkur líklegur til
góðra hluta og gerði hann aðstoðarmann sinn. Síðar tók Pacelli
við embættum Gasparris, þegar hann lét af þeim. í sambandi við
fráfall Viktoríu Englandsdrottningar fór Pacelli sem sendimaður
Leós 13. til Lundúna. Var það hans fyrsta utanferð. Hann fór
til sömu borgar í tilefni af konungskrýningu 1911. Þá var það
víst, að blettur kom á heiðursskjalið, sem hann hafði meðferðis.
Pacelli brast ekki úrræði. Hann stækkaði blettinn, svo að hann náði
um allt skjalið. Og þótti það nú enn fínna en áður. Þá þáði hann
enskt heiðursmerki, sem enginn páfi hefir áður borið.
Mestan hug hafði Pacelli á því að gerast prestur. Var og
nokkurs konar sjálfboðaprestur og kenndi við sunnudagaskóla i
Róm nokkur ár. En honum var ekki sleppt úr utanríkisþjónustu
páfastólsins, og senn falið þar hvert embættið og hver sendiförin
annarri mikilvægari og tignari.