Prestafélagsritið - 01.01.1924, Síða 44

40
Sigurður P. Sívertsen:
Prestafélagsriíiö.
styrktar fátækum, til kirkjulegra þarfa eða til trúboðs. Finst
þeim, sem vanist hafa þessari fjársöfnunaraðferð ekkert sjálf-
sagðara en að hver maður, sem til guðsþjónustu fer, leggi
um leið skerf til einhvers góðs málefnis. Mun aðferðin hent-
ug, þar sem venjan hefir helgað hana og þar sem margir
sækja kirkjur.
Meira þótti mér að jafnaði varið í prédikanir utanþjóð-
kirkjumanna en þær, er eg heyrði í biskupakirkjunni, enda er,
eins og tekið hefir verið fram, meiri áherzla lögð á prédik-
unina við guðsþjónustur utanþjóðkirkjumanna. Hlustaði eg á
góðar og vekjandi ræður bæði hjá »safnaðarmönnum«, »me-
þódistum« og »baptistum«, sumar ágætar og áhrifamiklar að
mínum dómi. Voru þær lausar við allar sérkreddur og ekki
heyrði eg neinn af prédikurum þeirra hnýta í aðrar stefnur
eða lifa á »syndum annara« trúarflokka. Má segja að það
væri aðaleinkenni allra þeirra prédikana, sem eg heyrði á
Englandi, í hvaða kirkju sem var, hve jákvæðar þær voru, en
lausar við alt niðurrif og hnútur til ólíkra stefna. —
Eins og menn geta skilið af því, sem sagt hefir verið, er
guðsþjónustuhald næsta ólíkt hjá hinum ólíku kirkjudeildum.
Getur því hver og einn kosið sér að sækja til þeirrar kirkju,
þar sem guðsþjónustuhaldið er mest við hans hæfi. Verður á
þann hátt hægra að fullnægja einstaklingseðli hvers um sig,
en þar sem fábreytnin er meiri.
En þrátt fyrir alla fjölbreytni í þessum efnum, varð eg þó
var við tvent, sem sameiginlegt var við allar helgidagaguðs-
þjónustur, sem eg var við á Englandi, hvort sem var í sveit
eða kaupstað eða stórborg, hjá þjóðkirkju- eða utanþjóð-
kirkjumönnum.
Annað var veglegur söngur, en hitt almenn hluttaka kirkju-
gestanna í guðsþjónustunni.
Á sönginn er mikil áherzla lögð alstaðar í öllum kirkju-
deildum, þó hvergi meiri en i biskupakirkjunni. Orgelin eru
víða áhrifamikil, og æfður söngflokkur, oft fjölmennur, stjórnar
söngnum, en allur söfnuðurinn syngur með. Sungnir eru al-
mennir kirkjusálmar og messusvör, en einnig Davíðssálmar og