Prestafélagsritið - 01.01.1924, Page 127

Prestafélagsritið.
Prestafélagið.
123
Aðalfundur félagsins var haldinn 27. og 28. d. júnímán. Formaður,
dócent Magnús Jónsson, fór fyrst nokkrum orðum um starfsemi og hag
félagsins og gjaldkeri las upp reikning þess fyrir síðastliðið ár, en sam-
kvæmt honum var í sjóði við síðustu áramót nálega 400 kr., en
víxill að upphæð 600 kr. ógreiddur.
Benti gjaldkeri á, að vegna þess að skil væru enn ekki svo sem vera
þyrfti, væri fjárhagurinn allörðugur, svo að orðið hefði að taka víxilián
til að greiða kostnað við félagsritið. Formaður skýrði frá, að vegna
þessara fjárhagsörðugleika hefði stjórnin ráðið, að hafa ritið á þessu
ári nokkru minna en áður; mundu verða gefnar út um 8 arkir og rit-
stjóri sami sem áður, prófessor Sigurður P. Síverfsen. Skýrði ritstjórinn
síðan frá, að ritið mundi bráðum koma út og hverjar ritgerðir mundu
verða í þvf. I sambandi við fjárhagsmál félagsins, var það ákveðið að
fá til fulltrúa í hverju prófastsdæmi til að aðstoða við innheimtu félags-
gjaldanna, og væntir stjórnin að þeir, sem hún snýr sér til um þetta,
bregðist vel við því.
Þá skýrði formaður frá, að skýrslur um kirkjugarða hefðu komið frá
nálægt því helmingi prestanna. Qat hann þess, að mikið verk væri að
vinna úr skýrslunum, og hefði hann haft i huga að rita eitthvað um þetta
mál. Annars taldi hann skýrslurnar bera vott um, að ástandið væri þó
öllu betra, en búist hefði verið við. Kvað hann sér hafa komið til hugar,
að kirkjugarðar þyrftu að hafa sérstakan sjóð til viðhalds sér, t. d. með
því að taka upp aftur legkaupið, en hann hefði þó ekki viljað koma með
tillögu um það, með því, að hann hefði orðið var við að það mætti
mikilli mótspyrnu.
Þá kom til umræðu dýrtíðarmálið og tók formaður fram, að ákvæði
launalaganna um dýrtíðaruppbótina yrði endurskoðuð á næsta þingi. Tóku
margir til máls og hnigu umræður meðal annars sérstaklega að því, að
ósanngirni væri í þeim mismun, sem er á uppbót presta í kauptúnum og
sveitum. Sveitabúskapur eins og kunnugt er prestum nú á tímum mjög
e'rfiður, og því fyrir þá flesta aðeins ímyndaður sá hagnaður af honum,
sem þessi mismunur væri bygður á. Var borin upp og samþykt svo
hljóðandi tillaga:
„Fundurinn skorar á Prestafélagsstjórnina að gera sitt ýtrasta til þess,
að dýrtíðaruppbót presta verði ákveðin á næsta þingi svo viðunandi, sem
frekast er unt, og að prestum sé ekki gert lægra undir höfði en öðrum
embættismönnum. Fundurinn telur rangt að gera þann mun á dýrtíðar-
uppbót sveita- og kaupstaðarpresta, sem er í núverandi Iögum, og treystir
því, að sveitaprestar fái framvegis fulla dýrtíðaruppbót".
Stjórn félagsins mun að sjálfsögðu fylgja fram þessu nauðsynjamáli
presta svo fast og vel sem hún getur, en væntir þess, að félagsmenn í
þessu sem öðrum málum sendi henni tillögur sínar og óskir um það, er
þeir vilja framkvæma láta.