Nýjar kvöldvökur - 01.05.1960, Blaðsíða 27

N. Kv. SÍRA BJÖRN STEFÁNSSON 81
Sira Björn og síðari kona hans, Valgerður Jóhannsdóttir.
hann í Nýjum hugvekjum, húslestrabók, er
Prestafélag íslands gaf út 1947.
Þegar sr. Björn velur þessi fögru eink-
unnarorð, er hann búinn að vera þjónn
kirkjunnar á fjórða tug ára, hljóta marg-
háttaða reynslu í skóla lífsins og læra margt
og mikið af samferðamönnum og samskipt-
um sínum við þá. Hann hefur lesið guð-
fræði og kynnt sér hinar beztu bókmenntir,
sem völ var á, fylgzt með öllum breytingum
og framförum, er átt hafa sér stað með ís-
lenzku þjóðinni, frá því að hann ungur
niaður tók sitt stúdentspróf frá Lærða skól-
anum í byrjun aldarinnar og til þess dags,
að hann samdi ræðuna. Þetta er undirstað-
an, guð er allt, þráin eftir honum er það,
sem gefur lifinu gildi, sjálft lífsinntakið,
kjaminn.
Að hætti athugalla gáfumanna var síra
Björn varkár og gætinn, þess vegna eru orð
hans merkari og meira á þeim að byggja en
margra annarra, er fleira rnæla og meira
skrifa. Hann var mjög orðvar, en hlýddi á
ræður manna af rósemi og athygli, en fulla
einbeitni og kjark sýndi hann, er hann vann
að þeim málum, er lionum þótti nokkurs
vert um, að næðu fram að ganga.
Síra Bjöm var sérstakt prúðmenni og svo
háttvís í allri umgengni, að orð Bjarna
Thorarensens urn Rannveigu Filippusdótt-
ur rnáttu vel við hann eiga:
„Kurteisin kom að innan,
sú kurteisin sanna,
siðdekri öllu æðri,
af öðrum sem lærist.“
í fjölmenni vakti hinn virðulegi klerkur
eftirtekt, í vinahópi var hann skemmtilegur
og glaðvær. Öllum hlaut að líða vel í návist
hans, manngæzkan var svo einlæg og sönn.
Fyrir nær tuttugu árum höfðu Húnvetn-
ingar mikinn mannfagnað í tilefni 60 ára
afmælis Blönduósskóla. Þangað kom fólk