Sjómannadagsblaðið - 03.06.1963, Blaðsíða 24
Stakkastundskappar. Frá vinstri: Brynjar Júlíusson, Tryggvi Valteinsson, Bragi Braga-
son, Páll Pálsson, Kristján Valdimarsson og Magnús Lórenzson.
fyrir að hann gæti orðið einn af
helztu skemmtidögum ársins, og
eftirsóttur ánægjuauki eldri sem
yngri. Þessu til staðfestu gaf Axel
Kristjánsson íþróttaforingi grip til
að keppa um í stakkasundi, var það
sjómannslíkan í fullum sjóklæðum,
útskroið í tré af Geir Þormar, og
skildi vera farandgripur. Sömuleiðis
gaf útgerðarfélag KEA fallega út-
skorinn trébikar gerðan af sama hag-
leiksmanni, til að keppa um í reip-
togi, og yrði það einnig farandgrip-
ur. Ymsir aðrir voru reiðubúnir að
hlaupa undir bagga ef einhverjir for-
fölluðust, t. d. í róðrinum eða á ann-
an hátt. Kaupfélag Eyfirðinga var
svo velviljað að lána deginum sýn-
ingarglugga í verzlunarhúsi félags-
ins við Kaupvangstorg, og Eimskipa-
félag Islands bauð skrifstofu félags-
ins við Kaupangstorg og Jakob Karls
son bauð skrifstofu skipaafgreiðslu
sinnar til afnota fyrir daginn. Þetta
voru ákjósanlegustu staðirnir, sem
sjómannadagsráðið gat óskað sér, og
Sjóm.dagurinn hefur notið þessarar
greiðasemi alla tíð síðan, og það án
endurgjalds. Húsnæði tollstöðvar-
innar á Torfunefi var einnig léð sjó-
mannadeginum til afnota lengi
framan af, en þegar fram í sótti þótti
þetta nokkuð mikill átroðningur og
var þá leitað til ráðamanna bæjar-
ins, sem fúslega leyfðu afnot af
verkamannaskýlinu á Torfunefi, og
hefur það haldist síðan og þetta allt
án endurgjalds.
Þegar sjómannadagsráðið kom
saman næs,t en þá voru meðlim-
irnir aðeins 9, eða þrír frá hverju
félagi, var ákveðið að bæta við íþrótt-
ir dagsins stakkasundi, reipdrætti
og knattspyrnu, ef veðráttan ann-
ars gæfi leyfi til. Báta til róðrar-
keppni varð að tryggja á einhvem
hátt, og vildu sumir að strax yrðu
byggðir kappróðrarbátar sem Sjó-
mannadagurinn gæti átt, og þyrfti
þá ekki að lifa á bónbjörgum, en aðr-
ir vildu bíða og sjá, hversu langt
væri hægt að komast niður með
verð á slíkum gripum, og þeir urðu
yfirsterkari. Ekkert varð því úr
byggingu bátanna 2 næstu árin, en
í staðinn fengnir lánaðir bátar slysa-
varnafélagsdeildanna á Dalvík og í
Ólafsfirði, því að jullunum vildu
engir róa aftur í keppni að minnsta
kosti.
Vel tókst að fá þátttakendur í
nefndum íþróttagreinum, og með
þeirri viðbót sem nú hefur verið
nefnd, var sjómannadagurinn hald-
inn bæði árin 1940—41. Fyrirkomu-
lagið líkt og áður, að öðru leyti en
því, að messað var í kirkjunni
árið 1941. — Stakkasundið var
þreytt í skipakvínni við Torfunefið
fyrri daginn, en þann síðari var af-
tekið með öllu að synda þar, og því
borið við, að þar sem upphituð sund-
laug væri til á staðnum, væri ástæðu-
laust að bjóða keppendum upp á
ískaldan sjóinn.
Aðstaða við laugina reyndist auð-
fengin og síðan hafa allar sund-
keppnir dagsins farið fram þar ásamt
þeim ræðuhöldum, sem efnt hefur
verið til í það og það skiptið. Knatt-
spyrnan og reiptogið voru hinsvegar
háð á fótboltavellinum á gleráreyr-
um, eða þar til knattspyrnan hvarf
af dagskránni, og karlakórar sungu
til eymayndis hlustendum.
I samkomuhúsi bæjarins, sem
fyrstu árin var fengið til skemmtana-
halds innanhúss, fóru fram verð-
launaafhendingar, söngur, gaman-
vísur og dans, og veittu þar aðstoð
sína karlakórar bæjarins og ýmsir
einstaklingar við mikla hrifningu
áheyrenda.
Bj örgunarsundsveit.
10 SJ ÓMAN NADAGSBLAÐIÐ