Eimreiðin - 01.10.1927, Side 13

EIMREIÐIN HARALDUR HÁVI OG MARMARALJÓNIÐ 317
Það var árið 1800, að sænskur mentamaður, ]. D. Áker-
blad að nafni, reit grein nokkra í tímaritið „Skandinavisk Mu-
seum“ og lýsti yHr því, að á ljónið væru ristar norrænar rúnir.
Mun þetta hafa komið öllum mjög á óvart, og efalaust er talið,
að Ákerblad hafi orðið fyrstur manna til að sjá, að hér var
um norrænar rúnir að ræða, en ekki annara þjóða leturgerð.
Ekki auðnaðist Ákerblad að ráða neitt fram úr rúnunum, og
bar ýmislegt til þess. Samt gerði hann teikningar nokkrar af
þeim, en mjög ófullkomnar þó.
Vmsir vísindamenn hafa gerst til þess að rita um rúnirnar
á Píreusar-ljóninu, og má þar til nefna þá Finn Magnússon
og Wilhelm Grimm, en víst hefur hvorugum þessara manna
gefist kostur þess að skoða þær.
Helzt er svo að sjá, að enginn hafi lagt verulegt kapp á að
ráða rúnirnar fyr en konferenzráð Carl Christian Rafn kom
til skjalanna; mun og mönnum hafa þótt á torveldi mikið,
sökum þess hve máðar þær voru.
Meðal margs annars, sem Rafn gerði, var það, að hann
fékk danskan mann, F. de Bertouch að nafni, sem dvaldi í
Feneyjum um miðbik 19. aldar, til þess að gera teikningar af
rúnunum, taka af þeim Ijósmyndir á ýmsum tímum dags og
gefa sem nákvæmastar skýrslur um þær. Hefur F. de Bertouch
unnið að þessu verki með frábærri elju. Að lokum fór svo
Rafn sjálfur til Feneyja og lagði smiðshöggið á rannsóknirnar.
Þegar svo öll kurl voru til grafar komin, birti Rafn langa
og ítarlega ritgerð um þessa hluti. Er hún rituð bæði á frakk-
nesku og dönsku og heitir: „Inscription Runique du Pirée,
interprétée par C. C. Rafn, Copenhague 1856“. Ritgerð þessa
er einnig að finna í »Antiquités de L’Orient. Monuments
Runographiques, Copenhague 1856“, og má vísa til hennar
öllum þeim, er frekari fræðslu kynnu að girnast um þetta efni.
Þar er og að finna alla ritgerð Ákerblads, þá er hann reit í
„Skandinavisk Museum“.
I ritgerðinni Rafns eru fyrst myndir tvær af ljóninu, sín
lekin af hvorri hlið þess, þá koma myndir af rúnunum og
orminum, eða drekanum, sem fyrst hefur verið markaður á
Ijónið og rúnirnar svo höggnar á hann, og að lokum mynd
eða kort af Ljónshöfn í Píreus.