Eimreiðin - 01.01.1950, Page 15

eimreiðin
GUÐMUNDUR KAMBAN
3
Islenzka moldin, mjúk og brún á vangann,
minnir á heitrar júlínætur angan,
svæfir þig eftir lífsins daginn liðinn,
langt inn í friðinn.
Skrifuð er bók þín, skáld, á fáum árum,
skín þar um blöðin hrím og dögg af tárum.
Blekið sást fyrst, er burt það rann í dauða,
blóðið þitt rauða.
Yfir þér faldhvít fold í skarti grætur,
felur þig dáinn inn við hjartarætur.
Syrgja þig hljóðar, svalar, bjartar nætur,
Sögulands dætur.
Syrgja þig íslands börn, er sannleik unna,
syrgja þau hjörtu, er skil á réttu kunna.
Minningar vefa voð um hvílu þína.
„Vítt sé ég land og fagurt“ um þig skína.
Rósa B. Blöndals.