Skinfaxi - 01.05.2009, Blaðsíða 6

6 SKINFAXI – tímarit Ungmennafélags Íslands
Skinfaxi 2. tbl. 2009
Ritstjóri: Jón Kristján Sigurðsson.
Ábyrgðarmaður: Helga Guðrún
Guðjónsdóttir, formaður UMFÍ.
Ljósmyndir: Jón Kristján Sigurðsson, Ómar
Bragi Stefánsson, Óskar Halldórsson, Skapti
Hallgrímsson o.fl.
Umbrot og hönnun: Indígó.
Prentun: Prentmet.
Prófarkalestur: Helgi Magnússon.
Auglýsingar: Miðlun ehf. og
Gunnar Bender.
Ritnefnd:
Björg Jakobsdóttir, formaður, Anna R.
Möller og Sigurður Guðmundsson.
Skrifstofa UMFÍ/Skinfaxa:
Þjónustumiðstöð UMFÍ,
Laugavegi 170–172, 105 Reykjavík.
Sími: 568-2929
Netfang: umfi@umfi.is
Heimasíða: www.umfi.is
Starfsmenn UMFÍ:
Sæmundur Runólfsson, framkv.stjóri,
Ómar Bragi Stefánsson, landsfulltrúi,
með aðsetur á Sauðárkróki,
Guðrún Snorradóttir, landsfulltrúi og
verkefnisstjóri forvarna,
Helgi Gunnarsson, fjármálastjóri,
Jón Kristján Sigurðsson, ritstjóri Skinfaxa
og kynningarfulltrúi,
Alda Pálsdóttir, skrifstofustjóri,
Sigurður Guðmundsson, fræðslumál.
Stjórn UMFÍ:
Helga Guðrún Guðjónsdóttir, formaður,
Ásdís Helga Bjarnadóttir, varaformaður,
Björn Ármann Ólafsson, gjaldkeri,
Örn Guðnason, ritari,
Hringur Hreinsson, meðstjórnandi,
Einar Haraldsson, meðstjórnandi,
Björg Jakobsdóttir, meðstjórnandi,
Eyrún Harpa Hlynsdóttir, varastjórn,
Haraldur Þór Jóhannsson, varastjórn,
Jóhann Tryggvason, varastjórn,
Einar Jón Geirsson, varastjórn.
Forsíða:
Frá flugeldasýningu á 9. Unglingalands-
móti UMFÍ sem haldið var að Laugum
í Reykjadal um verslunarmannahelgina
2006.
26. Landsmót UMFÍ og 12. Ungl-
ingalandsmót UMFÍ verða haldin
í sumar. Óhætt er að segja að hér
sé um flaggskip hreyfingarinnar
að ræða. Af fréttum að dæma ætla
Íslendingar að ferðast í enn meira
mæli um landið sitt í sumar en
áður og því er það álitlegur kostur
að sækja þessi mót og taka þátt í
þeim.
Landsmótið á Akureyri verður
haldið dagana 9.–12. júlí nk.
Umgjörð mótsins verður í alla
staði glæsileg og vandað til verka
í hvívetna. Mikið uppbyggingar-
starf er að baki á Akureyri og
stórglæsileg íþróttamannvirki
blasa við sem notuð verða um
ókomin ár. Þeir sem að mótinu
standa sjá nú laun erfiðis síns og
geta borið höfuðið hátt. Það þarf
áræðni, þor og kjark til að ráðast í
að halda svo stórt mót sem þetta.
Með sameiginlegu átaki allra
þeirra sem að verkum hafa komið
hefur tekist að koma upp aðstæð-
um sem allir geta verið stoltir af.
Stór hópur sjálfboðaliða kemur
að framkvæmd mótsins með ein-
um eða öðrum hætti. Öll undir-
búningsvinna verður léttari og er
óhætt segja að framlag þeirra til
mótanna sem og í hreyfingunni
allri sé ómetanlegt. Þeim ber að
þakka fyrir fórnfúst og frábært
vinnuframlag.
Framkvæmdaaðilar 12. Ungl-
ingalandsmóts UMFÍ, sem verður
haldið 31. júlí – 2. ágúst á Sauð-
árkróki, hafa lagt mikinn metnað í
alla undirbúningsvinnu. Unglinga-
landsmótin eru með stærstu
íþróttamótum sem haldin eru hér
á landi. Mótin eru kjörinn staður
fyrir alla fjölskylduna til að koma
á og eiga skemmtilega og ánægju-
lega daga um verslunarmanna-
helgina. Unglingalandsmótin hafa
sannað gildi sitt og á þau kemur
sama fólkið ár eftir ár. Mótin
draga til sín þúsundir gesta sem
skemmta sér saman í heilbrigðu
umhverfi. Á Sauðárkróki er glæsi-
leg aðstaða sem byggð var upp
fyrir Unglingalandsmótið og Lands-
mótið fyrir fimm árum.
Ungmennafélag Íslands stendur
fyrir mörgum góðum verkefnum.
Þar ber að nefna Ungmenna- og
tómstundabúðirnar á Laugum í
Sælingsdal sem hafa heldur betur
slegið í gegn. Starfsemin á Laug-
um hófst í byrjun árs 2005 og síð-
an hefur búðunum vaxið fiskur
um hrygg. Þangað sækja 9. bekk-
ingar úr grunnskólum landsins og
á síðasta starfsári komu þangað
hátt í 2.000 unglingar.
UMFÍ er í samstarfi við íþrótta-
lýðháskóla í Danmörku og hefur
kvóti sá sem Íslendingum stendur
til boða verið fullnýttur á síðustu
árum. Nám í slíkum skólum er
mjög áhugavert og ekki síst þrosk-
andi og nýtist síðan þátttakendum
alla ævi.
Forvarnaverkefnið Flott án
fíknar stendur með blóma og hef-
ur klúbbum fjölgað jafnt og þétt
um allt land.
Ungmennafélag Íslands tók
fyrsta skrefið með verkefnið Gæfu-
spor í fyrrasumar. Gæfuspor er
verkefni þar sem fólk 60 ára og
eldri er hvatt til að fara út og ganga
sér til ánægju og heilsubótar.
Verkefnið hófst á fimm stöðum
á landinu og í kjölfarið verður
framhaldið skoðað með fleiri
staði í huga.
Frjálsíþróttaskóla UMFÍ verður
haldið úti á nokkrum stöðum úti
á landi í sumar í samvinnu við
Frjálsíþróttasamband Íslands.
Frjálsíþróttaskólanum var hleypt
af stokkunum í fyrrasumar og
tókst vel og í framhaldinu var
ákveðið að vinna saman að þessu
verkefni í sumar.
Göngum um Ísland er lands-
verkefni UMFÍ. Verkefnið er unn-
ið í samstarfi við ungmennafélög
um land allt, ferðaþjónustuaðila
og sveitarfélög. Á Íslandi er mikill
fjöldi gönguleiða og hafa verið
valdar heppilegar gönguleiðir í
hverju byggðarlagi. Fjölskyldan á
fjallið er einn liður í verkefninu.
Settir eru upp póstkassar með
gestabókum á 24 fjöllum víðs veg-
ar um landið, en öll þessi fjöll
eiga það sameiginlegt að tiltölu-
lega létt er að ganga á þau. Mark-
miðið er að fá fjölskyldur í létta
fjallgönguferð og stuðla þannig
að aukinni samveru, útivist og um
leið líkamsrækt innan fjölskyld-
unnar. Í nokkur ár hefur verið
haldið úti vefsíðunni www.ganga.
is sem hefur að geyma yfir 800
gönguleiðir.
Eins og sjá má af þessari upp-
talningu stendur UMFÍ fyrir mörg-
um spennandi verkefnum. Allir
ættu að finna eitthvað við sitt hæfi
en umfram allt: Njótum þess að
eiga skemmtilegt sumar.
Jón Kristján Sigurðsson
ritstjóri
Landsmót á Akureyri og
Unglingalandsmót á Sauðárkróki
Sauðárkróki
31. júlí – 2. ágúst
Akureyri
9. – 12. júlí