Skinfaxi - 01.05.2009, Blaðsíða 9

SKINFAXI – tímarit Ungmennafélags Íslands 9
Gaman að standa í
svona verkum
– Aðkoma þín að Landsmótum fram þessu.
Hefur þú sótt mót eða tekið þátt í þeim?
„Já, ég hef komið á Landsmót, en
bróðir minn keppti á Landsmóti sem
haldið var á Sauðárkróki 1971. Ég hef
aldrei keppt sjálfur en mér hefur litist vel
á þessi mót. Þetta eru miklar samkomur
og gömul og rík hefð fyrir þeim. Það er
gaman að halda þessu við og fá tækifæri
til að leggja eitthvað af mörkum. Það er
mikil saga á bak við þessi mót og 100 ár
síðan að fyrsta mótið var haldið á Akur-
eyri. Það er alltaf gaman að standa í
svona verkum,“ sagði Kristján Þór.
Kristján Þór sagði að bæjarstjórn Akur-
eyrar hafa verið samhuga í því að bjóða
fram þá aðstöðu sem í bæjarfélaginu væri.
„Það var mikill samhljómur á milli bæjar-
búa og íþróttahreyfingarinnar í bænum
fyrir því að gera þetta og minnast 100 ára
afmælis Landsmótanna á Akureyri með
þessum hætti. Þetta getur ekki orðið til
annars en að styrkja grunninn
að því góða starfi sem ung-
mennafélagið á Akureyri
og reyndar íþróttahreyf-
ingin öll hefur unnið.
Þetta leggst allt á eitt
að gera bæinn
okkar betri.“
Kristján Þór
Júlíusson, for-
maður lands-
mótsnefndar.
Reikna með að allt
verði klárt þegar stóri
dagurinn rennur upp
– Miklar framkvæmdir hafa verið samhliða
mótinu og mikil vinna að baki, ekki satt?
„Það er vitanlega mikil vinna að baki,
en gaman að sjá að nú eru að rísa glæsi-
leg mannvirki sem íþróttafólk hér á svæð-
inu getur notast við í nánustu framtíð.
Ég reikna með að allt verði klárt þegar
stóri dagurinn rennur upp, en það er
aftur á móti alveg ljóst að nóg verður að
gera fram á síðasta dag. Það eru mörg
handtök við þetta og ekki síður meðan á
mótshaldinu stendur,“ sagði Kristján Þór.
Margir munu
heimsækja Akureyri
Aðspurður hvort hann byggist ekki við
miklum fjölda fólks á Landsmótið sagði
Kristján Þór svo vera.
„Við búumst við að margir muni heim-
sækja okkur til Akureyrar í tengslum við
mótið enda skilst manni að Íslendingar
ætli að vera duglegir að ferðast innan-
lands í sumar. Við erum búnir að vita af
því í nokkur ár, á grunni kannana sem
gerðar hafa verið á því hvert landsmenn
vilji fara í sumarfríinu, að þá hefur Akur-
eyri verið að skora hæst allra staða á
landinu. Þegar þetta leggst ofan á þær
óskir og væntingar og árferðið er með
þeim hætti að landsmenn vilja frekar
ferðast innanlands þá höfum við enga
ástæðu til að ætla annað en að þetta
muni þýða að margt fólk verði á Akureyri
þessa landsmótshelgi. Það leggst líka
á með öðru að það eru aðrir viðburðir
tengdir Landsmótinu sem almenningur
á eftir að sækja. Við bindum þannig vonir
við það að fólk geti notið þess að sækja
Akureyri heim og njóta þess sem bæjar-
félagið hefur upp á að bjóða og raunar
héraðið allt.“
Hann sagði tilhlökkun mikla á meðal
bæjarbúa fyrir Landsmótinu sem á eftir
að setja skemmtilegan svip á bæinn.
„Akureyringar eru upp til hópa gest-
risið fólk og hafa gaman af því að fá góða
gesti í heimsókn,“ sagði Kristján Þór að
lokum í spjallinu við Skinfaxa.