Skinfaxi - 01.05.2009, Blaðsíða 12

12 SKINFAXI – tímarit Ungmennafélags Íslands
Akureyri
Guðmundur Víðir
Gunnlaugsson,
formaður Ung-
mennafélags Akur-
eyrar, sagði í samtali við Skinfaxa að undir-
búningur fyrir Landsmótið hefði gengið
vel og að markvisst væri unnið að þessu
stóra verkefni sem margir hefðu komið
að. Menn væru fljótir að bregðast við
þegar einhverjir hnökrar kæmu upp og
leystu vandamálin fljótt og vel.
Fullkomin frjálsíþrótta-
aðstaða til framtíðar
„Mannvirkin, sem hér eru að rísa, eru
öll hin glæsilegustu. Það hlýtur því að
verða tilhlökkunarefni fyrir keppendur
að keppa við þessar aðstæður sem boðið
verður upp á. Þessi uppbygging er
hugsuð til margra áratuga, en fullbúin
verður hér fullkomin frjálsíþróttaaðstaða
fyrir alþjóðakeppni, bikarkeppni og
meistaramót hér innanlands. Fyrir knatt-
spyrnuna verður þetta líka mikil upplyft-
ing. Eftir þessari aðstöðu eru Akureyr-
ingar og nærsveitamenn búnir að bíða
lengi. Fyrir var komin upp góð aðstaða á
Laugum og á Sauðárkróki og þangað
hefur okkar fólk stundum sótt æfingar og
einnig mótahald. Akureyrarvöllur þótti á
sínum tíma einn besti malarvöllur lands-
ins en er núna barns síns tíma,“ sagði
Guðmundur Víðir.
Margir í startholunum
– Hvernig leggst Landsmótið í þig?
„Mótið leggst vel í mig og skráningar
ganga vel. Svo virðist sem mótið ætli að
verða vel sótt og margir eru í startholun-
um að mæta. Það er viðbúið að margt
fólk verði á Norðurlandi á þessum tíma
en reynslan hefur sýnt okkur að oftast
er gott sumarveður á þessum árstíma.
Við vonum svo sannarlega að svo verði
áfram en það er aldrei á vísan á róa þegar
íslenskt veðurfar er annars vegar.“
Grunnur sem alltaf
stendur fyrir sínu
– Hvaða gildi hafa Landsmótin í þínum
huga?
„Landsmót í mínum huga hafa alltaf
mikið gildi. Það er viss andi sem svífur
yfir vötnum og þarna koma saman þátt-
takendur frá öllum landshornum, mörg-
um félögum og ýmsum íþróttagreinum.
Þátttakendur þurfa ekki vera einhverjir
toppíþróttamenn heldur áhugamenn og
iðkendur sem hafa gaman af að koma
saman og sjá hver staða þeirra er gagn-
vart keppinautum í öðrum landshlutum.
Auðvitað eru svo komnir afburðaíþrótta-
menn á staðinn til að keppa og reyna að
Á Landsmótum svífur
viss andi yfir vötnum
Guðmundur Víðir Gunnlaugsson, formaður UFA:
bæta sinn árangur. Landsmótin hafa líka
mikið gildi að mínu mati fyrir félags-
hreyfinguna. Þetta er grunnur sem mað-
ur finnur að stendur alltaf fyrir sínu í öllu
ungmennafélagsstarfi. Ég er fullur til-
hlökkunar og vonast eftir því að þetta
verði bæði viðamikið og skemmtilegt
mót þar sem fólk getur notið samver-
unnar og þátttöku í ýmsum viðburðum.
Ekki bara í íþróttunum heldur líka í þeim
samkomum og öðru sem boðið er upp á
í tengslum við mótið,“ sagði Guðmundur
Víðir Gunnlaugsson, formaður Ung-
mennafélags Akureyrar.
Guðmundur Víðir Gunnlaugsson,
formaður Ungmennafélags Akureyrar.