Ægir - 01.12.1980, Blaðsíða 14

Avarp
Steingríms Hermannssonar
sj áv arútvegsr áðherra
Fundarstjóri, góðir full-
trúar á Fiskiþingi.
Ég fagna því að fá
tækifæri til að ávarpa
ykkur nokkrum orðum.
Það er bara að ekki fari
fyrir mér eins og ég frétti
af öðrum ráðherra, sem
fékk að flytja ávarp. Það
tók einn og hálfan tíma.
Ég skal reyna að vera
styttri tíma heldur en það,
þótt málefnin séu æðimörg sem gott væri að fá
tækifæri til að ræða við ykkur um.
Ég hef hugsað mér að ræða fyrst og fremst um
mótun fiskveiðistefnu, sem svo hefur verið nefnd
en reyndar fyrst og fremst um mótun þeirrar stefnu
á næsta ári sem yrði fylgt gagnvart þorskveiðum.
Þó finnst mér ástæða til að minnast á nokkur önn-
ur atriði, sem eru ofarlega á baugi nú, og reyndar
hafa nokkur áhrif á mótun þeirrar stefnu í þorsk-
veiðum.
Ég nefni loðnuflotann og vandamál hans,
vandamál sem áreiðanlega verða mikil. Ég þarf
ekki að rekja hér þá þróun sem orðið hefur á
loðnuveiðum upp á síðkastið, frá því að loðnuafli
var talinn geta numið 1 Vi milljón lesta á ári og í það
sem nú er, þegar mörkin eru sett við 658 þús. lestir,
sem nýlega hefur orðið að skera niður um 30 af
hundraði. Við skulum vona að unnt verði að bæta
þessum 30% við eftir áramótin, en því miður
bendir ekkert til þess nú. Ef svo verður ekki, verða
vandamál þessa flota ákaflega mikil og ekki Ijóst
hvernig þau verða leyst.
Mér þykir einnig rétt að nefna síldveiðar, sem nú
standa yfir, og hafa verið nokkuð til umræðu.
Síldveiðarnar hafa að ýmsu leyti gengið vel og sala
á saltaðri síld hefur gengið betur en menn gerðu sér
vonir um. Náðst hafa góðir samningar, sem ég
hygg að við getum allir samþykkt. Frystingin er
hins vegar erfiðleikum háð. Afkoman er ekki eins
góð og hún þyrfti að vera. Og nú fáum við þær
fréttir, að sildarverðið fyrir þá síld sem leyft var að
sigla með, sé töluvert lægra en á var byggt.
Heimild til siglinga var bundin þvi að verðið færi
ekki niður fyrir 5 krónur danskar. Það verð hefur
ekki fengist. Síldarútvegsnefnd hefur fengið
aðvaranir frá sínum viðsemjendum. Ég fyrir mitt
leyti sé ekki annað, ef svo heldur áfram, en að
stöðva verði siglingar með síld. Reyndar er
vafasamur rekstrargrundvöllur fyrir siglingu á
verði sem er jafnvel niður undir 3 kr. danskar.
Þetta skapar að sjálfsögðu mikla erfiðleika. Verið
er að athuga hvort aðstoða megi síldarflotann við
þær veiðar sem eru eftir, sem eru af stærðargráð-
unni 10 þús. lestir, með leiðbeiningum til þeirra
frystihúsa sem helst geta og vilja frysta síld. Þetta
er í athugun og ákvarðanir um þetta verða teknar á
allra næstu dögum.
Ég sagði í upphafi máls míns, að ég vildi fyrst og
fremst ræða um mörkun þorskveiðistefnu, eða
fiskveiðistefnu eins og sagt er. Ég vil í fyrstu geta
þess, sem komið hefur fram í fréttum, að þorskafl-
inn nú í ár er orðinn æðimikill, um 370 þús. lestir.
Við áætlum að með þeim takmörkunum sem ný-
lega hafa verið ákveðnar, þ.e.a.s. 18 þorskveiði-
banndagar á togarana í desembermánuði, sem
þeim er reyndar heimilt að taka allt frá 20. nóv-
ember, og banni á veiðar bátanna frá 20. desemb-
er, verði heildaraflinn rúmlega 400 þús. lestir, lík-
lega aðeins meiri hjá bátum heldur en togurum.
Við höfum áætlað fyrir bátaflotann 205 þús. lestir,
en 200 þús. lestir á togaraflotann. Virðist því allt
stefna að því að afli báta og togara verði nokkuð
jafn eins og hann hefur verið undanfarin ár. Hann
var eiginlega hnífjafn 1977, aðeins meiri hjá tog-
urum 1978, nokkuð jafn 1979 og virðist ætla að
verða það aftur nú.
Allt frá því að ég tók við starfi sjávarútvegsráð-
herra hefur að því verið unnið, fyrst og fremst í
sjávarútvegsráðuneytinu og með stofnunum sem
því eru tengdar, eins og Fiskifélagi íslands, sér-
staklega Má Elíssyni og þeim sem þar safna upp-
lýsingum og miðla, og með Framkvæmdastofnun,
að því að móta það sem kallað hefur verið ný fisk-
veiðistefna. Einnig starfar með mér sérstök nefnd
þingmanna.
Þeirri stefnu sem fylgt hefur verið í þorskveiðum
630 — ÆGIR