Ægir - 01.12.1980, Blaðsíða 29

síld sem veidd var og söltuð í desember þurfti að
geyma enn lengur eða í 9 vikur við 10°C til þess að
hún verkaðist.
Orsakir þess að spinnpækill myndast í sykursíld
hafa verið rannsakaðar og sýnt fram á að vissir
gerlar valda myndun hans. Hefur verið fundi ráð
til að koma í veg fyrir að spinnpækill myndist, en
það-verk var unnið í samvinnu við Síldarútvegs-
nefnd. Myndun spinnpækils hefur valdið talsverðu
tjóni á undanförnum árum.
Gerlafræði grásleppuhrogna hefur verið rann-
sökuð og ýmislegt viðkomandi meðferð þeirrar
vöru er beint frá stofnuninni komið.
í sambandi við nýtingu grásleppuhrogna var
hannaður búnaður til vinnslu þeirra. Notuð er
marningsvél til að skilja himnur frá hrognum;
hristisía til að skilja vökva frá og hrærivél til að
blanda salti og rotvarnarefnum í hrognin. Einnig
voru í því sambandi prófuð plastílát til söltunar og
ýmis geymsluskilyrði athuguð. Flestir stærri salt-
endur grásleppuhrogna nota nú vélbúnað við þessa
framleiðslu sem að mestu er byggður á þeim tækj-
um sem stofnunin prófaði upphaflega.
Hér læt ég staðar numið þó að fleira mætti telja.
Ég hef ekki farið út í arðsemismat, hvað rannsókn-
ir Rannsóknastofnunar fiskiðnaðarins hafi sparað
eða aflað í peningum, það verða aðrir að gera.
Setningarræða Más Elíssonar
Framhald af bls. 629.
þessu? Líklega einungis með betri rekstri og auk-
inni framleiðni og umfram allt miklum gæðum.
Síðast en ekki sízt hljótum við að reyna að samein-
ast um raunhæfar aðgerðir gegn verðbólgunni.
Nauðsynlegt er að nýta fiskimiðin sem bezt og
samræma afkastagetu flotans afrakstursgetu mið-
anna til langs tíma. Jafnframt þessu þarf sem mest
og bezt samræmi að ríkja milli veiða og vinnsluaf-
kasta í landinu.
Ég ber fram þá ósk, að á þessu þingi, eins og
raunar oftast áður takizt okkur að ræða málin
málefnalega, byggja niðurstöður á traustustu fyrir-
liggjandi upplýsingum, og þar með gert ályktanir,
sem orðið geta til hagsbóta sjávarútvegslólki um
allt lands.
Hér eru samankomnir fulltrúar veiða og vinnslu
úr öllum landshlutum. Fiskiþing er því hinn bezti
vettvangur sem völ er á til að ná þessu marki.
39. Fiskiþing er sett.
Sigurður Stefánsson, endurskoðandi:
Skattamál atvinnurekstrar
í sjávarútvegi
Góðir fundarmenn:
Ég ætla hér að ræða
um skattamál atvinnu-
rekstrar í sjávarútvegi og
fiskvinnslu.
Með lögum nr. 40/
1978 og breytingum á
þeim lögum nr. 7/1980
um tekjuskatt og eignar-
skatt eru felld úr gildi
skattalög nr. 68/1971
ásamt síðari breytingum
á þeim lögum.
í hinum nýju lögum felast mjög róttækar breyt-
ingar á þeim skattlagningarreglum sem gilt hafa
hingað til, má þar sérstaklega nefna aðlögun tekju-
hugtaksins að verðbólgunni og aðskilnað atvinnu-
reksturs einstaklings þess er að honum stendur.
Skattlagning atvinnurekstrar er einkum miðuð
við hagnað og hreina eign viðkomandi aðila.
Aðalviðfangsefni skattalaga er því að skilgreina
hugtök sem endanleg skattlagning miðast við, þ.e.
hagnað og hreina eign.
Á tímum verðbólgu brenglast hefðbundin skil-
greining þessara hugtaka, þannig að óhjákvæmi-
legt er orðið að lita til þeirra áhrifa sem verðbólgan
hefur.
Með hinum nýju lögum er gerð tilraun til að laga
tekjuhugtakið að þeim verðbólgutímum sem við
nú lifum á. Skattalög hafa hingað til tekið að
nokkru mið af verðbólgu og má þar helst nefna
ákvæði um skattfrelsi söluhagnaðar, aukaafskriftir
vörubirgða og fastafjármuna, verðstuðulsfyrningu
o.fl.
Helztu breytingar frá eldri lögum eru þessar:
1. Samkvæmt hinum nýju lögum er heimilt að
endurmeta fyrnanlegar eignir. Endurmatið byggist
á upphaflegu kostnaðarverði og er það framreikn-
að til gildandi verðlags samkvæmt verðbreytingar-
ÆGIR — 645